AtuartigukDanmarkimi utoqqatsernissamut aaqqissuineq
Nassiussisuuvoq: Naalakkersuisut Siulittaasuata Naalakkersuisoqarfia
Ministeriunerup Mette Frederiksenip kalaallit meerartaasa Danmarkimut 1951-imi aallartitaasimasut 22-usut ilaat arfinillit suli ullumikkut inuusut utoqqatserfiginiarlugit qaaqquai.
Ministeriunerup kalaallit meerartaasa 1951-imi Danmarkimut aallartitaasimasut 22-usut ilaat arfinillit suli ullumikkut inuusut allakkatigut 2020-mi decembarip 8-anni utoqqatserfigai. Meeraallutik misiligummut ilaatinneqarsimasut taakku kingunerlutsitsisimaqaat.
Ministeriuneq Mette Frederiksen Folketingimut ilaasortat nunatsinneersut marluk kiisalu Dansk Røde Korsimit Red Barnetimillu aallartitat peqatigalugit suli inuusunut taakkununnga arfinilinnut pisortatigoortumik utoqqatserfiginninnissamut qaaqqusivoq.
Aaqqissuussaq tamanna pissaaq Nationalmuseet-mi pingasunngornermi marsip 9-anni 2022 nal. 14-16.Naalakkersuisut Siulittaasuat Múte Bourup Egede aaqqissuussamut aamma peqataassaaq.
Aaqqissuussarlu sioqqullugu ministeriuneq Mette Frederiksen ima oqaaseqarpoq:
” Suli inuusunut arfinilinnut utoqqatserneq allakkatigut 2020-mi decembarip 8-anni apuuppara, maannali nuannaarutigaara aaqqissuussaq naapeqatigiiffissarput naammassineqarsinnaanngormat. Taakkua oqaluttuassartaasa misiliinermillu kingunerluutigisimasaasa qamuuna assut attorpaannga. Taamaattumik Danmark sinnerlugu kiisami naapillugit utoqqatsertussanngornera qilanaarutigaara.”
Naalaakkersuisut Siulittaasuat aaqqissuussinermut peqataanissani sioqqullugu ima oqaaseqarpoq:
”Ministeriunerup allakkatigut decembarimi 2020-mi utoqqatsernera pingaaruteqaqaaq, kisianni suli inuusunut arfinilinnut qanimut utoqqatserfiginninnissaq taamatulli pingaaruteqartigaaq. Ulloq taanna nunatsinnut tamarmut uannullu qilanaarutaasoq oqaluttuarisaanermi pingaaruteqarpoq.”
Naalakkersuisut Siulittaasuat Múte Bourup Egede Danmarkimut tikeraarnerminissaaq danskit nunanut allanut ministeriat Jeppe Kofod aamma illersornissamut ministeriat Morten Bødskov ataatsimeeqatigissavai.
Ministeriunerup kalaallit meerartaasa 1951-imi Danmarkimut aallartitaasimasut 22-usut ilaat arfinillit suli ullumikkut inuusut allakkatigut 2020-mi decembarip 8-anni utoqqatserfigai. Meeraallutik misiligummut ilaatinneqarsimasut taakku kingunerlutsitsisimaqaat.
Ministeriuneq Mette Frederiksen Folketingimut ilaasortat nunatsinneersut marluk kiisalu Dansk Røde Korsimit Red Barnetimillu aallartitat peqatigalugit suli inuusunut taakkununnga arfinilinnut pisortatigoortumik utoqqatserfiginninnissamut qaaqqusivoq.
Aaqqissuussaq tamanna pissaaq Nationalmuseet-mi pingasunngornermi marsip 9-anni 2022 nal. 14-16.Naalakkersuisut Siulittaasuat Múte Bourup Egede aaqqissuussamut aamma peqataassaaq.
Aaqqissuussarlu sioqqullugu ministeriuneq Mette Frederiksen ima oqaaseqarpoq:
” Suli inuusunut arfinilinnut utoqqatserneq allakkatigut 2020-mi decembarip 8-anni apuuppara, maannali nuannaarutigaara aaqqissuussaq naapeqatigiiffissarput naammassineqarsinnaanngormat. Taakkua oqaluttuassartaasa misiliinermillu kingunerluutigisimasaasa qamuuna assut attorpaannga. Taamaattumik Danmark sinnerlugu kiisami naapillugit utoqqatsertussanngornera qilanaarutigaara.”
Naalaakkersuisut Siulittaasuat aaqqissuussinermut peqataanissani sioqqullugu ima oqaaseqarpoq:
”Ministeriunerup allakkatigut decembarimi 2020-mi utoqqatsernera pingaaruteqaqaaq, kisianni suli inuusunut arfinilinnut qanimut utoqqatserfiginninnissaq taamatulli pingaaruteqartigaaq. Ulloq taanna nunatsinnut tamarmut uannullu qilanaarutaasoq oqaluttuarisaanermi pingaaruteqarpoq.”
Naalakkersuisut Siulittaasuat Múte Bourup Egede Danmarkimut tikeraarnerminissaaq danskit nunanut allanut ministeriat Jeppe Kofod aamma illersornissamut ministeriat Morten Bødskov ataatsimeeqatigissavai.