AtuartigukPinerluttunik isumaginnittut pillugit isumaqatigiissut pakatsissutigineqarpoq
Nassiussisuuvoq: Aatsitassanut Inatsisillu Atuutsinneqarnerannut Naalakkersuisoqarfik
Piffissamut 2022-miit 2025-imut pinerluttunik isumaginnittut aningaasaqarnerat pillugu Danmarkimi qallunaat naalakkersuisuisa partiillu isumaqatigiissusiorfigineqartut ukiunut arlalinnut isumaqatigiissutaat Naalakkersuisup Naaja H. Nathanielsenip pakatsissutigaa.
Pinerluttunik isumaginnittut qallunaat akisussaaffigivaat, Kalaallit Nunaannilu qallunaat akisussaaffiisa ingerlaavartumik ineriartortinneqarnissaat nutarteriffigineqartarnissaallu Naalakkersuisut naatsorsuutigisarpaat, taamaalilluni illuutitigut- imaluunniit sulianut tunngassuteqartutigut kinguaattoornerit pilinnginniassammata. Ilaatigut illuutit pitsaasuunissaat, sulinermi atugassarititaasut pitsaasuunissaat kiisalu isumannaatsuunissamut atortut sulinermilu sakkut ullutsinnut naleqqussagaanissaat tamatuma kinguneraa.
Kingumut innuttaasutut inooqataasinnaalersitseqqinnerup kalaallit eqqartuussiveqarneranni pingaartinneqartorujussuunerata qallunaat naalagaaffianit akuersaarneqarnissaa tamatuma saniatigut Naalakkersuisut naatsorsuutigaat.
Kalaallit Nunaanni Pinerluttunik Isumaginnittuni pissutsit nalinginnaasumik ullutsinnut naleqquttuunnginneri Pinerluttunik isumaginnittut pillugit isumaqatigiissutigineqaqqammersumi isummerfigineqannginnerat Naalakkersuisut ajoraluartumik takusinnaavaat. Pinerluttunik isumaginnittut pillugit suliassaqarfimmut ukiunut arlalinnut isumaqatigiissut taamaallaat suliniutinik 5-inik Kalaallit Nunaannut attuumassuteqartunik imaqarpoq, taakkunannga 4 suliniutigineqarfigisassatut isumaqatigiissutaareernikuullutik.
Inissiisarfinni aanngajaarniutinik atornerluinermut akiuiniarnermik suliniuteqarnermi quut misissorneqarneranni “uppernarsaataasussamik misissuinerit” suliniutit nutaartatuaraat. Tamanna Naalakkersuisut nuannaarutigaat, kisianni taamaattoq tamanna ingerlatsinermi suliassatut nalinginnaasutut aamma immikkut ittumik suliniutaanngitsutut isigisariaqarlugu.
Isumaginneq pillugu suliassaqarfimmi qallunaat- kalaallillu suleqatigiinnerannut atatillugu inatsisit atuutsinneqarnerat pillugu suliassaqarfimmi suliniuteqarfigisassatut 2020-imili isumaqatigiissutaareersut suliniutit sinnerini 4-ni pineqarput. Suliniutini taakkunani kinguaassiutitigut atornerluisarnerup akiorneqarnissaa pineqarpoq, suliniutillu tamarmik tapersersortariaqarput pitsaasuullutillu, tassanilu sulineq aallartillualereernikuuvoq aamma massakkut ukiunut arlalinnut isumaqatigiissusiornikkut tassunga aningaasanik immikkoortitsisoqarpoq.
Kalaallit Nunaanni suliniutissanut qanorpiaq immikkoortitsisoqartigisimanersoq ersernerluppoq, tassami Kalaallit Nunaat Savalimmiullu isumaqatigiissutip allanneqarnerani ataatsimoortinneqarsimapput, aamma Kalaallit Nunaanni Pinerluttunik Isumaginnittut nammineerlutik aningaasaleeqataanermikkut isumaqatigiissummut ilanngussissanersut takuneqarsinnaanngilaq. Taamaattoq Pinerluttunik Isumaginnittut pillugit isumaqatigiissutikkut Kalaallit Nunaanni Pinerluttunik Isumaginnittuni piviusumik illuutitigut- sulianullu tunngassuteqartutigut kinguaattoorutinut aaqqiissutissanik nassaartoqarsimanngitsoq Naalakkersuisut takusinnaavaat.
Qanoq ililluni kinguaattoorutit qallunaat naalagaaffiata akiorniassanerai tusarfigissallugu Naalakkersuisut taamaammat qilanaaraat, ingammik isumannaatsuunissamut, IT-kkut systeminut, inissinneqarsimasut sulisinneqarnissaannut, pillaatisianik atuinissamut utaqqinerit sivikillisinneqarnissaannut, ilinniagaqarnissamut- ilinniagaqaqqinnissamullu periarfissat ineriartortinneqarnissaannut, inissiisarfinni paarsisunik pissarsiniarnermut kiisalu akissarsiat qaffakkiartornerisa aalajangiusimaneqarnissaannut tunngassuteqartut pillugit.
Naalakkersuisoq Naaja H. Nathanielsen ima oqarpoq:
”Kalaallit Nunaanni sulianut tunngatillugu- illuutitigullu kinguaattoorutit ukiunut arlalinnut isumaqatigiissummi pingaarnersiuinermi pingaarnerutinneqarsimannginnerat pakatsissutigaara. Pisariaqartinneqartumik suliniutigineqartussat pingaartinneqarumaartut allatigullu aningaasalersorneqarumaartut maannakkut neriuutigaara. Ukiunut arlalinnut isumaqatigiissummi suliniutit ilaatinneqartut Naalakkersuisut pingaartippaat, kisianni ataatsimut isiginninnermi Kalaallit Nunaanni atugassarititaasut paasineqarsimannginnerisa ilimagineqarsinnaanerat ersersinneqarpoq. Pitsaassutsip naammaginartuunissaanut akisussaaffik Danmarkimi Justitsministerimiimmat Naalakkersuisut erseqqissassavaat”.
Isumaqatigiissutip oqaasertai uani takukkit:
https://www.justitsministeriet.dk/wp-content/uploads/2021/12/Aftale-om-kriminalforsorgens-oekonomi-2022-2025-2.pdf
Paasisaqarnerorusukkuit naalakkersuisup allattaa Zakaria Saleh ugguuna e-mailikkut: zasa@nanoq.gl-ikkut attavigiuk.
Pinerluttunik isumaginnittut qallunaat akisussaaffigivaat, Kalaallit Nunaannilu qallunaat akisussaaffiisa ingerlaavartumik ineriartortinneqarnissaat nutarteriffigineqartarnissaallu Naalakkersuisut naatsorsuutigisarpaat, taamaalilluni illuutitigut- imaluunniit sulianut tunngassuteqartutigut kinguaattoornerit pilinnginniassammata. Ilaatigut illuutit pitsaasuunissaat, sulinermi atugassarititaasut pitsaasuunissaat kiisalu isumannaatsuunissamut atortut sulinermilu sakkut ullutsinnut naleqqussagaanissaat tamatuma kinguneraa.
Kingumut innuttaasutut inooqataasinnaalersitseqqinnerup kalaallit eqqartuussiveqarneranni pingaartinneqartorujussuunerata qallunaat naalagaaffianit akuersaarneqarnissaa tamatuma saniatigut Naalakkersuisut naatsorsuutigaat.
Kalaallit Nunaanni Pinerluttunik Isumaginnittuni pissutsit nalinginnaasumik ullutsinnut naleqquttuunnginneri Pinerluttunik isumaginnittut pillugit isumaqatigiissutigineqaqqammersumi isummerfigineqannginnerat Naalakkersuisut ajoraluartumik takusinnaavaat. Pinerluttunik isumaginnittut pillugit suliassaqarfimmut ukiunut arlalinnut isumaqatigiissut taamaallaat suliniutinik 5-inik Kalaallit Nunaannut attuumassuteqartunik imaqarpoq, taakkunannga 4 suliniutigineqarfigisassatut isumaqatigiissutaareernikuullutik.
Inissiisarfinni aanngajaarniutinik atornerluinermut akiuiniarnermik suliniuteqarnermi quut misissorneqarneranni “uppernarsaataasussamik misissuinerit” suliniutit nutaartatuaraat. Tamanna Naalakkersuisut nuannaarutigaat, kisianni taamaattoq tamanna ingerlatsinermi suliassatut nalinginnaasutut aamma immikkut ittumik suliniutaanngitsutut isigisariaqarlugu.
Isumaginneq pillugu suliassaqarfimmi qallunaat- kalaallillu suleqatigiinnerannut atatillugu inatsisit atuutsinneqarnerat pillugu suliassaqarfimmi suliniuteqarfigisassatut 2020-imili isumaqatigiissutaareersut suliniutit sinnerini 4-ni pineqarput. Suliniutini taakkunani kinguaassiutitigut atornerluisarnerup akiorneqarnissaa pineqarpoq, suliniutillu tamarmik tapersersortariaqarput pitsaasuullutillu, tassanilu sulineq aallartillualereernikuuvoq aamma massakkut ukiunut arlalinnut isumaqatigiissusiornikkut tassunga aningaasanik immikkoortitsisoqarpoq.
Kalaallit Nunaanni suliniutissanut qanorpiaq immikkoortitsisoqartigisimanersoq ersernerluppoq, tassami Kalaallit Nunaat Savalimmiullu isumaqatigiissutip allanneqarnerani ataatsimoortinneqarsimapput, aamma Kalaallit Nunaanni Pinerluttunik Isumaginnittut nammineerlutik aningaasaleeqataanermikkut isumaqatigiissummut ilanngussissanersut takuneqarsinnaanngilaq. Taamaattoq Pinerluttunik Isumaginnittut pillugit isumaqatigiissutikkut Kalaallit Nunaanni Pinerluttunik Isumaginnittuni piviusumik illuutitigut- sulianullu tunngassuteqartutigut kinguaattoorutinut aaqqiissutissanik nassaartoqarsimanngitsoq Naalakkersuisut takusinnaavaat.
Qanoq ililluni kinguaattoorutit qallunaat naalagaaffiata akiorniassanerai tusarfigissallugu Naalakkersuisut taamaammat qilanaaraat, ingammik isumannaatsuunissamut, IT-kkut systeminut, inissinneqarsimasut sulisinneqarnissaannut, pillaatisianik atuinissamut utaqqinerit sivikillisinneqarnissaannut, ilinniagaqarnissamut- ilinniagaqaqqinnissamullu periarfissat ineriartortinneqarnissaannut, inissiisarfinni paarsisunik pissarsiniarnermut kiisalu akissarsiat qaffakkiartornerisa aalajangiusimaneqarnissaannut tunngassuteqartut pillugit.
Naalakkersuisoq Naaja H. Nathanielsen ima oqarpoq:
”Kalaallit Nunaanni sulianut tunngatillugu- illuutitigullu kinguaattoorutit ukiunut arlalinnut isumaqatigiissummi pingaarnersiuinermi pingaarnerutinneqarsimannginnerat pakatsissutigaara. Pisariaqartinneqartumik suliniutigineqartussat pingaartinneqarumaartut allatigullu aningaasalersorneqarumaartut maannakkut neriuutigaara. Ukiunut arlalinnut isumaqatigiissummi suliniutit ilaatinneqartut Naalakkersuisut pingaartippaat, kisianni ataatsimut isiginninnermi Kalaallit Nunaanni atugassarititaasut paasineqarsimannginnerisa ilimagineqarsinnaanerat ersersinneqarpoq. Pitsaassutsip naammaginartuunissaanut akisussaaffik Danmarkimi Justitsministerimiimmat Naalakkersuisut erseqqissassavaat”.
Isumaqatigiissutip oqaasertai uani takukkit:
https://www.justitsministeriet.dk/wp-content/uploads/2021/12/Aftale-om-kriminalforsorgens-oekonomi-2022-2025-2.pdf
Paasisaqarnerorusukkuit naalakkersuisup allattaa Zakaria Saleh ugguuna e-mailikkut: zasa@nanoq.gl-ikkut attavigiuk.