Soraarnerussutisiaqarnissamut aaqqissuussinermut peqataasussaatitaanerup allannguutai pingaarnerit
Nassiussisuuvoq: Aningaasaqarnermut Naligiissitaanermullu Naalakkersuisoqarfik![Utoqqaat Uummannami](/-/media/billeder/folk/familie_folkesamling/utoqqaat-uummannami.jpg?cx=0.12&cy=0.49&cw=975&ch=415&hash=39FA4C0720DA37776A21635A32943204)
Soraarnerussutisiaqarnissamut aaqqissuussinermut peqataasussaatitaanermi atugassarititaasut arlaqartut, 2022-mut aningaasanut inatsisikkut allanngortinneqarnissaat naalakkersuinikkut isumaqatigiissutigineqarpoq. Allannguutit 1. januar 2022-miit atuutilissapput.
Soraarnerussutisiaqarnissamut aaqqissuussinermut peqataasussaatitaaneq, aningaasanut inatsit akuersissutigineqarmat allannguuteqartinneqarpoq.
Kingumoortumik allannguutit
2018-imi, 2019-imi imaluunniit 2020-mi ileqqaarsimasassatit tamakkerlugit akilersimanngikkukkit, akilinngisavit sinneri akilerneqartussaajunnaassapput. Tassa imaappoq, 2022-mut skattekortimik qaffatamik nassinneqassanngilatit.
2021-mut tunngatillugu immikkut
2021-mi skattekortimik qaffatamik peqaruit peqarsimaguilluunniit, taava akiliutigisimasatit sulisitsisuit akileraarutitut A-tut nalinginnaasutut unerartissimasaatut isigineqassapput. Aningaasalli tassani pineqartut taamaallaat tassaapput soraarnerussutisiaqarnissamut aaqqissuussinermut nuunneqareersimanngitsut.
Assersuut
Soraarnerussutisiaqarnissamut aaqqissuussinermut akiliinikippallaarsimanerit pissutigalugu ulloq 1. januar 2021-mili skattekortimik qaffatamik peqarputit. Aningaasanut inatsisip isumaqatigiissutigineqarnerata kingunerissavaa, procentit qaffaataasut sulisitsisuit 2021-mi akilersissimasaasa akileraarutitut A-tut nalinginnaasutut isigineqarnissaat. Tassa imaappoq, akileraarutit qaffaataatigut akilersimasatit inaarummik naatsorsuut tulliuttoq aqqutigalugu ilinnut tunniunneqassapput. Tunniussineq akileraarutinut akiliivallaartoqarsimatillugu utertitsisarneq pillugu maleruagassat malillugit pissaaq. Utertitsineq 2022-mi augustip naalernerani pissaaq.
2022-mi akiliinissaq pillugu maleruagassat
Innuttaasut 18-ileereersimasut tamarmik soraarnerussutisiaqarnissamut aaqqissuussinermut peqataasussaatitaaneq pillugu ukiumoortumik naatsorsuummik 2022-mi augustip naalernerani nassinneqassapput. Naatsorsugaq e-Boksikkut nassiunneqassaaq. 2021-mi ileqqaarsimasassat naatsorsuummi allaqqassapput – tassa imaappoq aningaasat qanoq amerlatigisut soraarnerussutisiaqarnissamut aaqqissuussinermut akilerneqartussaanersut. Tassani takuneqarsinnaavoq soraarnerussutisiaqarnissamut aaqqissuussinermut akiliinikippallaarsimanersutit imaluunniit pisussaaffiit naammassisimanerit.
2021-mut ukiumoortumik naatsorsuummi allaqqappat ileqqaarsimasassatit 4000 kr.-it inorlugit ikinaarsimagitit, taava taakku 2022-mi akilertussaassanngilatit.
Ukiumut 125.000 kr.-nit ataallugit aningaasarsiaqaruit, taava soraarnerussutisiaqarnissamut aaqqissuussinermut akiliinissamut pisussaaffeqanngilatit. Soraarnerussutisiaqarnissamut aaqqissuussinermut akiliisarsinnaavutit, tamannali illit nammineq aalajangissavat.
Ukiumut 125.000 kr.-nit – 175.000 kr.-nit akornannik aningaasarsiaqaruit, taava soraarnerussutisiaqarnissamut aaqqissuussinermut ikinnerusunik akiliinissamut pisussaaffeqassaatit. Procentinik qassinik akiliinissat soraarnerussutisiaqarnissamut aaqqissuussinermut peqataasussaatitaaneq pillugu ukiumoortumik naatsorsuummi allaqqassaaq.
Pisussat tulliuttut
Maleruagassat naapertorlugit soraarnerussutisiaqarnissamut aaqqissuussinermut akiliisussaanerit ukiuni aningaasarsiorfiusuni 2021-mi aamma 2022-mi atuutiinnassaaq. Akissarsiortuuguit aningaasarsiavit 6 %-ii soraarnerussutisiaqarnissamut aaqqissuussinermut akilissavatit. Namminersorlutit inuussutissarsiummik ingerlataqartuuguit ingerlatavit sinneqartoorutaasa 4 %-ii akilissavatit.
Taassuma saniatigut allamik iliuuseqassanngilatit.
2021-mut inaarummik naatsorsuummik, kiisalu soraarnerussutisiaqarnissamut aaqqissuussinermut peqataasussaatitaaneq pillugu ukiumoortumik naatsorsuummik 2022-mi augustip naalernerani nassinneqassaatit. Malugiuk, Akileraartarnermut Aqutsisoqarfiup ilinnut allagai il.il. sullissivik.gl-imi e-Boksinnut siunissami nassiunneqartassammata.
Soraarnerussutisiaqarnissamut aaqqissuussinermut peqataasussaatitaaneq naatsumik
Soraarnerussutisiaqarnissamut aaqqissuussinermut peqataasussaatitaanerup qulakkiigassaraa, sulillutik akissarsiallit tamarmik utoqqalinissaminnut ileqqaarnissaat. Soraarninngorluni inuunerup pitsaanerullunilu toqqissisimanarnerunissaa siunertaavoq.
Aaqqissuussineq innuttaasunut 18-it 62-illu akornannik ukioqartunut tamanut atuuppoq, akissarsiortuuneq imaluunniit namminersorluni inuussutissarsiummik ingerlataqartuuneq apeqqutaatinnagu. 2021-mi aningaasarsiavit 6 %-ii soraarnerussutisiaqarnissamut aaqqissuussininnut akilissavatit. Namminersorlutik inuussutissarsiummik ingerlataqartut ingerlatamik sinneqartoorutaasa 4 %-ii akilissavaat.
Soraarnerussutisiassanut naammattumik akiliisimanngikkuit, taava aningaasat akiliinikippallaarutaasut, procentit akileraarusiissutissatut aalajangersagaasut malillugit skattekorti aqqutigalugu nalinginnaasumik akilersinneqassapput. Procenti qaffaataasoq akileraarutinut qaffaataanngilaq, tassaallunili illit nammineq soraarnerussutisiassannut akiliutissat.
Soraarnerussutisiaqarnissamut aaqqissuussinermut peqataasussaatitaaneq pillugu paasisaqarnerusinnaavutit Sullissivik.gl-imi.
Soraarnerussutisiaqarnissamut aaqqissuussinermut peqataasussaatitaaneq, aningaasanut inatsit akuersissutigineqarmat allannguuteqartinneqarpoq.
Kingumoortumik allannguutit
2018-imi, 2019-imi imaluunniit 2020-mi ileqqaarsimasassatit tamakkerlugit akilersimanngikkukkit, akilinngisavit sinneri akilerneqartussaajunnaassapput. Tassa imaappoq, 2022-mut skattekortimik qaffatamik nassinneqassanngilatit.
2021-mut tunngatillugu immikkut
2021-mi skattekortimik qaffatamik peqaruit peqarsimaguilluunniit, taava akiliutigisimasatit sulisitsisuit akileraarutitut A-tut nalinginnaasutut unerartissimasaatut isigineqassapput. Aningaasalli tassani pineqartut taamaallaat tassaapput soraarnerussutisiaqarnissamut aaqqissuussinermut nuunneqareersimanngitsut.
Assersuut
Soraarnerussutisiaqarnissamut aaqqissuussinermut akiliinikippallaarsimanerit pissutigalugu ulloq 1. januar 2021-mili skattekortimik qaffatamik peqarputit. Aningaasanut inatsisip isumaqatigiissutigineqarnerata kingunerissavaa, procentit qaffaataasut sulisitsisuit 2021-mi akilersissimasaasa akileraarutitut A-tut nalinginnaasutut isigineqarnissaat. Tassa imaappoq, akileraarutit qaffaataatigut akilersimasatit inaarummik naatsorsuut tulliuttoq aqqutigalugu ilinnut tunniunneqassapput. Tunniussineq akileraarutinut akiliivallaartoqarsimatillugu utertitsisarneq pillugu maleruagassat malillugit pissaaq. Utertitsineq 2022-mi augustip naalernerani pissaaq.
2022-mi akiliinissaq pillugu maleruagassat
Innuttaasut 18-ileereersimasut tamarmik soraarnerussutisiaqarnissamut aaqqissuussinermut peqataasussaatitaaneq pillugu ukiumoortumik naatsorsuummik 2022-mi augustip naalernerani nassinneqassapput. Naatsorsugaq e-Boksikkut nassiunneqassaaq. 2021-mi ileqqaarsimasassat naatsorsuummi allaqqassapput – tassa imaappoq aningaasat qanoq amerlatigisut soraarnerussutisiaqarnissamut aaqqissuussinermut akilerneqartussaanersut. Tassani takuneqarsinnaavoq soraarnerussutisiaqarnissamut aaqqissuussinermut akiliinikippallaarsimanersutit imaluunniit pisussaaffiit naammassisimanerit.
2021-mut ukiumoortumik naatsorsuummi allaqqappat ileqqaarsimasassatit 4000 kr.-it inorlugit ikinaarsimagitit, taava taakku 2022-mi akilertussaassanngilatit.
Ukiumut 125.000 kr.-nit ataallugit aningaasarsiaqaruit, taava soraarnerussutisiaqarnissamut aaqqissuussinermut akiliinissamut pisussaaffeqanngilatit. Soraarnerussutisiaqarnissamut aaqqissuussinermut akiliisarsinnaavutit, tamannali illit nammineq aalajangissavat.
Ukiumut 125.000 kr.-nit – 175.000 kr.-nit akornannik aningaasarsiaqaruit, taava soraarnerussutisiaqarnissamut aaqqissuussinermut ikinnerusunik akiliinissamut pisussaaffeqassaatit. Procentinik qassinik akiliinissat soraarnerussutisiaqarnissamut aaqqissuussinermut peqataasussaatitaaneq pillugu ukiumoortumik naatsorsuummi allaqqassaaq.
Pisussat tulliuttut
Maleruagassat naapertorlugit soraarnerussutisiaqarnissamut aaqqissuussinermut akiliisussaanerit ukiuni aningaasarsiorfiusuni 2021-mi aamma 2022-mi atuutiinnassaaq. Akissarsiortuuguit aningaasarsiavit 6 %-ii soraarnerussutisiaqarnissamut aaqqissuussinermut akilissavatit. Namminersorlutit inuussutissarsiummik ingerlataqartuuguit ingerlatavit sinneqartoorutaasa 4 %-ii akilissavatit.
Taassuma saniatigut allamik iliuuseqassanngilatit.
2021-mut inaarummik naatsorsuummik, kiisalu soraarnerussutisiaqarnissamut aaqqissuussinermut peqataasussaatitaaneq pillugu ukiumoortumik naatsorsuummik 2022-mi augustip naalernerani nassinneqassaatit. Malugiuk, Akileraartarnermut Aqutsisoqarfiup ilinnut allagai il.il. sullissivik.gl-imi e-Boksinnut siunissami nassiunneqartassammata.
Soraarnerussutisiaqarnissamut aaqqissuussinermut peqataasussaatitaaneq naatsumik
Soraarnerussutisiaqarnissamut aaqqissuussinermut peqataasussaatitaanerup qulakkiigassaraa, sulillutik akissarsiallit tamarmik utoqqalinissaminnut ileqqaarnissaat. Soraarninngorluni inuunerup pitsaanerullunilu toqqissisimanarnerunissaa siunertaavoq.
Aaqqissuussineq innuttaasunut 18-it 62-illu akornannik ukioqartunut tamanut atuuppoq, akissarsiortuuneq imaluunniit namminersorluni inuussutissarsiummik ingerlataqartuuneq apeqqutaatinnagu. 2021-mi aningaasarsiavit 6 %-ii soraarnerussutisiaqarnissamut aaqqissuussininnut akilissavatit. Namminersorlutik inuussutissarsiummik ingerlataqartut ingerlatamik sinneqartoorutaasa 4 %-ii akilissavaat.
Soraarnerussutisiassanut naammattumik akiliisimanngikkuit, taava aningaasat akiliinikippallaarutaasut, procentit akileraarusiissutissatut aalajangersagaasut malillugit skattekorti aqqutigalugu nalinginnaasumik akilersinneqassapput. Procenti qaffaataasoq akileraarutinut qaffaataanngilaq, tassaallunili illit nammineq soraarnerussutisiassannut akiliutissat.
Soraarnerussutisiaqarnissamut aaqqissuussinermut peqataasussaatitaaneq pillugu paasisaqarnerusinnaavutit Sullissivik.gl-imi.