Atuartiguk
Naalakkersuisup Peter Olsenip International Arktisk Hubimi (IAH-mi) siulersuisuni ilaasortat nutaat oktoberip aallaqqaataani 2021-mi toqqarpai:
Karsten Peter Jensen, Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi immikkoortortaqarfimmi pisortaq
Inge Høst Seiding Institutimi pisortaq, Kulturimik, Oqaatsinik Oqaluttuarisaanermillu Ilisimatusarfik, Ilisimatusarfik
Astrid Maria Spring Öberg, Sulisitsisuni (GE-mi) siunnersorti
Inoqut Kristensen, Greenland Venturemi Investment Manager & Analyst
Danmarkimi Ilinniartitaanermut Ilisimatusarnermullu ministeriaqarfimmi Namminersortullu Oqartussat akornanni suleqatigiinnissamut isumaqatigiissiortoqarnerata kingunerisaanik IAH 2020-mi pilersinneqarpoq. Ilisimatusarnerup annertusiartortumik Kalaallit Nunaanni aallaaveqarnissaa attanneqarsinnaasumillu inuiaqatigiinnik ineriartortitsineq anguniarlugit IAH kalaallit, danskit nunanilu tamalaani Issittumi ilisimatusartunut Issittumilu soqutigisaqartunut katersuuffiussaaq immikkuullarissoq.
Peter Olsenip neriuutigaa, ilaasortanngorlaat ilisimatusarneq inuiaqatigiinni siammartissagaat taamatullu Kalaallit Nunaanni aammalu Kalaallit Nunaat pillugu ilisimatusarnermut tunngatillugu suliat innuttaasunit peqataaffigineqarlutillu iluaquteqartussanngortillugit.
Kalaallit Nunaat saniatigut Danmark siulersuisuni pingasunik ilaasortaqarpoq, 2023-llu tungaanut siulittaasuulluni.
Siulersuisuni siulittaasoq: Ulrik S. Korsholm, Ilisimatusarnermi pisortaq, Danmarkimi Silasiorfeqarfik (DMI)
Siulersuisunut ilaasortat:
Lise-Lotte Terp, Pisortaq, Arctic Consensus
Torben Røjle Christensen, Professori, Aarhus Universitet
Frej Sorento Dichmann, Pisortap tullia, Ilinniartitaanermut ilisimatusarnermullu aqutsisoqarfik
Paasisaqarnerorusukkuit attavissaq: Paninnguaq Steenholdt, Naalakkersuisup allattaa, Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik,
Toqq/direkte 345702, pslt@nanoq.gl