Aqutsiveqarfiit Nuuk aamma Nanortalliup akornanniittut qilalukkanut qernertanut pisassiissutit atorneqanngitsut, aqutsiveqarfik Ilulissanut nuutsinneqarput
Nassiussisuuvoq: Aalisarnermut Piniarnermullu Naalakkersuisoqarfik2021-mi qilalugartassiissutit aalajangerneqarmata ilaatigut aalajangerneqarpoq augustip 31-iani kujataatungaani Nuummiit Narsarmijit tikillugu qilalukkanut qernertanut pisassiissutaasut arfinillit pisarineqarsimanngippata septemberip aallaqqaataani aqutsiveqarfik Ilulissat-nut nuunneqassasut.
Pisassiissutit nuunneqarsinnaanerannut pissutaavoq, Ilulissaniit Narsamijit Kujataaniittoq tikillugu qilalukkat qernertaqatigiit ataasiinnartut isigineqarmata.
Qilalukkanut qernertanut pisassiissutit Nuummiit Narsamijit kujataaniittumut tunniunneqarsimasut arfinillit atorneqarsimanngillat, taamaammallu Aqutsiveqarfik Ilulissat-nut nuunneqarput.
Sukumiinerusumik paasisaqarusukkaanni immikkoortortaqarfimmi pisortaq Amalie Jessen, Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: amalie@nanoq.gl