Maanna Danmark-imi akiuussuserneqarsinnaanngorputit

Danmarkimi akeqanngitsumik akiuussuserneqarsinnaanermut nalunaarut tallimanngormat juulip 23-ani allanngortinneqarpoq. Tamanna isumaqarpoq, innuttaasut Kalaallit Nunaanneersut kiisalu Savalimmiuneersut Danmarkimut tikiunniutaa akiuussuserneqarnissamik piumasaqaateqarsinnaanngorput.

Juulip 23-at 2021-i tikillugu innuttaasut Kalaallit Nunaanneersut Savalimmiuneersullu Danmarkimi kapitinniarunik sivikinnerpaamik qaammat ataaseq Danmarkimiinnissaat piumasaqaataanikuuvoq, tassani ullut 14-it qaangiutereerpata kapitittoqarsinnaalluni.

Naalakkersuisut danskit naalakkersuisoqarfiannut saaffiginnipput maleruagassallu allanngortinneqarnissaannut piumasaqarlutik, taamaasilluni Kalaallit Nunaanni innuttaasut Danmarkimi akiuussuserneqarnissaminnik ajornannginnerulersitsissalluni.

Maanna juulip 23-ani 2021-miit nalunaarut allanngortinneqarpoq, tamanna isumaqarpoq, juulip 23-ani 2021-miit kalaallit savalimmiormiullu Danmarkimi COVID-19-imut akiuussuserneqarsinnaalernerannik, aamma sivisumik Danmarkimiikkaluarunik. Danmarkimi Sundhedsministeriet taama nalunaarpoq.

Nalunaarut allanngortinneqarnerata kinguneraa, sivisunerusumik Danmarkimiiinnissamik piumasaqaat atorunnaarnera. Taamaasilluni ullut 14-it tikinnermiit qaangiutseqqaarnissaat piumasaqaataajunnaarluni.

Taamaammat ulloq siulleq tikinnermiit akiuussuserneqarsinnaaneq pisinnaaalerpoq.

Danmarkimi akiuussuserneqarnissamut piffissamik inniminniinissaq pillugu uani paasisaqarnerugit:

https://www.vacciner.dk/FAQpage?culture=da

Coronamut tunngatillugu apeqqutissallit corona hotline oqa. nr. 801100 imaluunniit e-mail corona@nanoq.gl aqqutigalugit attaveqartassapput.