AtuartigukKilisaat Sisimiut tunitsivittut atorneqalissaaq
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut tallimanngornermi juunip 11-anni 2021-mi aalajangerpaat kilisaat “Sisimiut” saarullinnut juunip 15-iannit juulip 25-iannut 2021-mi tunitsiviullunilu tunisassiorfiusinnaasoq. “Sisimiut” Kangerlummit Nanortalimmut tunitsiviussalluni. Royal Greenland A/S kissaateqartuuvoq kilisaatip Sisimiup tunitsivittut atorneqarnissaa. Umiarsuaq “Maniitsoq” saarullinnik uumasunik tunitsiviusoq aalisarluarfiulernerata nalaani oqilisaassallugu tunitsivimmik umiarsualiisoqassaaq.
Royal Greenland A/S umiarsuarmik saarullinnik uumasunik tunitsivigineqarsinnaasumik akuersissuteqareerpoq, umiarsuaq tassaalluni “Maniitsoq”. Taanna Royal Greenland A/S-ip projektianut Nutaaq Codimut ilaavoq. Saarulliit 3-400 tonsit suliffeqarfissuup Maniitsumi fabrikkiani sapaatip akunneranut tunisassiarineqartarput.
Attavigineqarsinnaavoq Aalisarnermut Piniarnermullu Naalakkersuisoqarfimmi pisortaaneq Jørgen Isak Olsen. E-mail: jio@nanoq.gl