AtuartigukTuniluuttoqannginnissaanut iliuusissanik aallartitsisoqarpoq
Nassiussisuuvoq: Peqqissutsimut Naalakkersuisoqarfik
Nuummi tunillatsittumik, aammalu tunillatsiffianik ilisimaneqanngitsumik nassaartoqareersoq, Nuummi tuniluuttoqannginnissaanut iliuusissanik aallartitsisoqarpoq. Nunarsuaq tamakkerlugu tuniluunnermi misilittakkagut malillugit eqqissilluta isumatusaarlutalu sulivugut.
Aallaqqaammut suliffeqarfimmi eqqorneqartumi sulisut tamarmik ullumimiit angerlarsimaannartussaatitaalerput aammalu covid-19-imut misissortittussanngorlutik.
Tuniluuttoqaqqinnissaa pinngitsoortinniarlugu inuit arfininngornermi 22/5 imerniartarfinni ukunaniissimasut qinnuigineqarput ullumi nal. 12.30 – 15.00 immaqaluunniit aqagu nal. 12.30-13.30 misissuisarfimmi misissorteqqullugit.
Inuit pineqartut tassaapput, arfininngornermi 22/5 nal. 20 – 00.00 akornanni Hereford Beefstouwiimiissimasut Skyline barimiissimasullu, kiisalu nal. 00.00 – 02.00 akornanni Daddy’s Pub-imiissimasut.
Ullumimiit ataasinngorneq 31/5 ilanngullugu killilersuutit uku Nuummi atuutissapput
Tassunga ilassutitut Nuummi ukioqatigiiaanut, 50-64-inik ukiulinnut akiuussutissanik kapuinissap siuartinniarneqarnera aallartinneqarpoq. Taassuma pilersaarusiornera suli ingerlavoq piaartumillu nalunaaruteqartoqarumaarluni.
Killilersuinerit matuma siuliani taaneqartut atuutsinneqalernissaannik aalajangiinermut, ippassaq kingusissukkut tunillatsissimasumik, Nuummi maanna tunillatsissimasunik suleqateqartumik, kisiannili qanillisaqarsimanngitsumik paasisaqartoqarnera tunngavigineqarpoq. Taamaattumik maanna tunillaassuunneq suminngaanneernersoq ilisimanngilarput.
Ippassaq tunillatsissisimasutut paasineqartoq sapaatit akunnerisa arfinillit matuma siorna tikissimavoq, aammalu sapaatit akunnerata naanerani imerniartarfimmiissimalluni. Pineqartoq taakkunaniinnermini tunillatsissimasinnaavoq, imaluunniit taamaalinerani ilisimanagu tunillaassuisuusimasinnaalluni.
Killilersuinissamik aalajangiinermut peqqissutsimik ilisimasallit innersuussutaat tunngavigineqarput, aammalu partiit tamarmik suliaq pillugu akuutinneqarput ilisimatinneqareerlutillu.
Aallaqqaammut suliffeqarfimmi eqqorneqartumi sulisut tamarmik ullumimiit angerlarsimaannartussaatitaalerput aammalu covid-19-imut misissortittussanngorlutik.
Tuniluuttoqaqqinnissaa pinngitsoortinniarlugu inuit arfininngornermi 22/5 imerniartarfinni ukunaniissimasut qinnuigineqarput ullumi nal. 12.30 – 15.00 immaqaluunniit aqagu nal. 12.30-13.30 misissuisarfimmi misissorteqqullugit.
Inuit pineqartut tassaapput, arfininngornermi 22/5 nal. 20 – 00.00 akornanni Hereford Beefstouwiimiissimasut Skyline barimiissimasullu, kiisalu nal. 00.00 – 02.00 akornanni Daddy’s Pub-imiissimasut.
Ullumimiit ataasinngorneq 31/5 ilanngullugu killilersuutit uku Nuummi atuutissapput
- Nuummut assartuussinerit tamarmik matuneqarput, taakkununngalu umiarsuaq sinersortaat ilaavoq, taamaattumillu Nuummiit aallarnissaq inassutigineqanngilaq. Umiarsuaq sinersortaat Nuummeersunik ilaasoqarani Nuummiit aallarsinnaavoq.
- Imerniartarfiit, neriniartarfiit, kulturikkut pisut, taakkununngalu tusarnaartitsinerit ilanngullugit, taamatullu timersortitsinerit, timigissartarfiit peqatigiiffinniillu timersornerit matoqqassapput. Atuarfiit sullissiviillu ilaatinneqanngillat, nalinginnaasumillu ammasinnaallutik.
- Pisiniarfinni, atuakkanik atorniartarfik, oqaluffinni, bussini Dronning Ingridip Napparsimmavissuanilu , 12-inik ukioqalereersimasut tamarmik qanermut assiaquteqarnissaannut piumasaqaammik atuutsitsisoqalerpoq.
- Pisortat assartuussinerini bussit taamaallaat ilaasut issiavissallit ilaasinnaapput, taamatullu 12-inik ukioqalereersimasut tamarmik qanermut assiaquteqarnissaannut piumasaqaammik atuutsitsisoqalerpoq
Tassunga ilassutitut Nuummi ukioqatigiiaanut, 50-64-inik ukiulinnut akiuussutissanik kapuinissap siuartinniarneqarnera aallartinneqarpoq. Taassuma pilersaarusiornera suli ingerlavoq piaartumillu nalunaaruteqartoqarumaarluni.
Killilersuinerit matuma siuliani taaneqartut atuutsinneqalernissaannik aalajangiinermut, ippassaq kingusissukkut tunillatsissimasumik, Nuummi maanna tunillatsissimasunik suleqateqartumik, kisiannili qanillisaqarsimanngitsumik paasisaqartoqarnera tunngavigineqarpoq. Taamaattumik maanna tunillaassuunneq suminngaanneernersoq ilisimanngilarput.
Ippassaq tunillatsissisimasutut paasineqartoq sapaatit akunnerisa arfinillit matuma siorna tikissimavoq, aammalu sapaatit akunnerata naanerani imerniartarfimmiissimalluni. Pineqartoq taakkunaniinnermini tunillatsissimasinnaavoq, imaluunniit taamaalinerani ilisimanagu tunillaassuisuusimasinnaalluni.
Killilersuinissamik aalajangiinermut peqqissutsimik ilisimasallit innersuussutaat tunngavigineqarput, aammalu partiit tamarmik suliaq pillugu akuutinneqarput ilisimatinneqareerlutillu.