Kujataani akiuussutissanik kapuisussat

Akiuussutissanik kapuisussat sapaatit akunnerata tulliuttup aallartinnerani Kujataanut pissapput, tassanilu piffissamut pilersaarut sukannersuussaaq anguniagaqarfiussallunilu, ullut qulingiluat ingerlanerinnaanni akiuussutissat sumiiffinnut assigiinngitsunut 14-inut siaruarterneqartussaammata aqunneqartussaallutillu. Akiuussutissamik kapuuineq innuttaasunut 18-ileereernikunut neqeroorutigineqarpoq.

corona.nun.gl aqqutigalugu malinnaagit
Kujataani akiuussutissanik kapuinissamut pilersaarut maanna tamanut ammasumik saqqummiunneqarsimalerpoq aammalu nittartakkami nutaami, corona.nun.gl-imi “Akiuussutissiineq” aamma “Akiuussutissiineq tulliuttoq” ataanni saqqummiunneqarluni. Sila peqqutigalugu pilersaarut allannguiffiusinnaavoq, taamaattumillu Corona pillugu Allattoqarfimmiit nittartagaq aqqutigalugu malinnaasoqarnissaa inassutigineqarpoq.

Piffissamut sumiiffissamullu allannguisinnaaneq sillimaffigalugu, maannaagallartoq pilersaarut imatut isikkoqarpoq:

Najugaqarfik	Ulloq	Kapuiffissatut siunnersuut?	Tikiffissaq	Aallarfissaq
Arsuk	Ataasinngorneq 12. april	Katersortarfik	08.00	11.00
Qassimiut	Ataasinngorneq 12. april	Peqqinnissaqarfik	18.00	20.00
Igaliko	Marlunngorneq 13. april	Katersortarfik	08.00	11.00
Qassiarsuk	Marlunngorneq 13. april	Atuarfik	11.30	14.30
Narsarsuaq	Marlunngorneq 13. april	Hotel Narsarsuup cafeteriaaniissinnaavoq?	15.00	19.00
Tasiusaq	Pingasunngorneq 14. april	Innuttaasut illuat	08.00	11.00
Narsarmijt	Pingasunngorneq 14. april	Innuttaasut illuat	14.00	17.00
Aapilattoq	Pingasunngorneq 14. april	Innuttaasut illuat/ atuarfik	19.00	23.00
Nanortalik	Sisamanngorneq 15. april	Timersortarfik	08.00
Nanortalik	Sisamanngorneq 16. april	Timersortarfik		16.00
Alluitsup Paa	Arfininngorneq 17. april	Atuarfik/Timersortarfik	08.00	13.00
Ammassivik	Arfininngorneq 17. april	Utoqqaat angerlarsimaffiat nutaanngitsoq	18.00	22.00
Saarloq	Sapaat 18. april	Oqaluffik	08.00	10.00
Eqalugaarsuit	Sapaat 18. april	Katersortarfik	13.00	17.00
Narsaq	Ataasinngorneq 19. april	Timersortarfik	08.00
Narsaq	Marlunngorneq 20. april	Timersortarfik		17.00

Kina akiuussutissamut kapitissinnaava? Innuttaasut tamarmik 18-ilereernikut.

Neqeroorut salliutissiuk
Innuttaasut akiuussutissanik kapuisut angalanerini akiuussutissamik kapitinnissamut akuerseqqullugit kajumissaarneqarput. Maanna akiuussutissamik kapitinnissamut neqeroorummut itigartitsiniarluni aalajangertoqarpat, aammalu kingusinnerusukkut isuma allanngortinneqarpat, tullianik akiuussutissamik kapuinissamut nalinginnaasumut utaqqisoqartariaqarpoq, nunami isorartuumi aammalu najugaqarfinni avinngarusimasuni sapinngisamik amerlanerpaat kapitinnissaat annertuumik aaqqissuunneqartariaqarmat. Savaateqarfimmiut illoqarfimmi/nunaqarfimmi najugaqarfigisatut nalunaarsorsimaffiusumi akiuussutissamik kapitikkiartussasut inassutigineqarpoq.