AtuartigukPuisit eqqissisimatitat pillugit eqqaasitsissut
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisoqarfik ilisimatinneqarpoq sumiiffinni aalajangersimasuni puisit piarai lanugo-nik qiviullit aallaaneqartartut. Lanugo qiviut tassaapput puisip piaqqap meqqui. Matumuuna eqqaasitsissutigineqassaaq natsiit, aataat aamma ussuup piarai qiviullit eqqissisimatitaammata, takujuk Puisinik illersuineq piniarnerlu pillugit Namminersorlutik Oqartussat nalunaarutaat nr. 16 12. november 2010-meersoq § 3, imm. 3 aammalu taakkuninnga piniarnissaq aallaaniarnissarlu inerteqqutaammat.
Qulaani taaneqartup saniatigut malugeqquneqarportaaq § 3-mi eqqissisimatitsinerup saniatigut allat ukua eqqissisimatitaammata; Arnavissat milutsitsisut, piaqqat miluttut, qasigissat aamma puisit sigguttuut.
Malugeqquneqarpoq eqqissisimatitsinermi malittarisassat unioqqutinneqarnerani, Kalaallit Nunaanni Pinerluttaalinermut Inatsit malillugu akiliisitaanissamik pineqaatissiisoqarsinnaammat aamma/imaluunniit arsaarinnittoqarsinnaammat Piniarneq Aallaaniarnerlu pillugit Inatsit malillugu Landskarsimut nakkartinneqartussanik.
Sukumiinerusumik paasisaqarusukkuit immikkoortortaqarfimmi pisortaq Amalie A. Jessen attavigiuk, oqarasuaat 34 53 04, e-mail: amalie@nanoq.gl.