Naalagaaffinngornissamut Nunanullu allanut Naalakkersuisup angalanera-nut nalunaarut

Naalagaaffinngornissamut Nunanullu Allanut Naalakkersuisoq Vivian Motzfeldt januaarip tallimaaniit 16-ata tungaanut Københavnimiillunilu Londonimiissaaq. Naalakkersuisut ukiortaami ilassinninnissaannut Nunatta Københavnimi Sinniisuutitaqarfiani ingerlanneqartussami peqataassaaq. Taassuma kingorna Tuluit Nunaannut angalassalluni, nunatta tuluit nunaannik niueqatigiinnikkut soqutigisai pillugit.

Angalanermut sukumiinerusumik paasissutissat pillugit attaveqarfissaq: Siunnersorti Ineqi Kielsen, inek@nanoq.gl imaluunniit oqarasuaammut 587331-mut.