Meeqqanut, Inuusuttunut, Ilaqutariinnut, Nunamut Namminermut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nivi Olsenip angalanissaanut nalunaarut

Naalakkersuisoq Nivi Olsen Danmarkimut Italiamullu piffissami 9. februaarimiit 17. februaarip tungaanut angalanissaminik pilersaaruteqarpoq.

Danmarkimiinnermi Naalakkersuisoq Ilinniartitaanermut Ilisimatusarnermullu ministeri Christina Egelund ataatsimeeqatigissavaa, suleqatigiinnerup nukittorsarnissaa aammalu ilinniartitaanermut tunngasunik oqaloqatigiinnissaq siunertaralugu.

Tamatuma saniatigut Naalakkersuisoq Italiami Winter OL-imi peqataassaaq, tassanilu ilaatigut Danmarkimi kulturministeri Jakob Engel-Schmidt ataatsimeeqatigissallugu.

Angalanermut sukumiinerusunik paasissutissanik pissarsiniarnermi Meeqqanut, Inuusuttunut, Ilaqutariinnut, Nunamut Namminermut, Ilinniartitaanermut, Kultureqarnermut, Timersornermut Ilageeqarnermullu Naalakkersuisup allattaa, Kresten Lennert, attavigineqarsinnaavoq oqarasuaatikkut +299 34 56 75 imaluunniit e-mailikkut: krlt@nanoq.gl