Naaja H. Nathanielsenip angalanissaanut nalunaarut

Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq Naaja H. Nathanielsen Danmark-mut angalanissani januaarip 7-anit januaarip 13-iata tungaanut pilersaarutigaa. 

Angalanermut siunertaavoq Nunanut Allanut, Sillimaniarnermut Illersornissamullu Attaveqartarnermut Ataatsimiititaliami ataatsimiinnermut peqataanissaq, ukiortaamilu ilassinninnermut peqataanissaq, aammattaaq naalagaaffiup allanut attaveqarnerani suleqatigiit takornariartitsineq aatsitassallu pillugit ataatsimeeqatigissallugit.

Tamatumalu saniatigut Naalakkersuisoq Naaja H. Nathanielsen, USA-p Danmarkimi aallartitaata, Alan Leventhalip, naggataarnerminut atatillugu nerersuaartitsineranut peqataanissaq, aammalu Inatsiseqarnermut ministeri aamma ataatsimeeqatigissallugu.  

Angalanermut sukumiinerusumik paasissutissat pillugit attaveqarfissaq: Naalakkersuisumut allatsi Jeanette L. Petersen, uunga mailimut: jalp@nanoq.gl imaluunniit oqarasuaat 265476.