Aqqaluaq B. Egedep angalanissaanut nalunaarut

Meeqqanut, Inuusuttunut, Ilinniartitaanermut Kultureqarnermut Timersornermut Ilageeqarnermullu Naalakkersuisup Aqqaluaq B. Egedep Danmarkimi, Alaskamilu angalanissani februarip 29-aniit martsip 18-iata tungaanut pilersaarutigaa. Sulinermut atatillugu angalanermi siunertaavoq Efterskolet kattuffiata ataatsimeersuarneranni peqataaneq, Efterskolenut, Fagskolenullu paasisassarsiorneq kiisalu Arctic Winter Games-imi politikkikkut ataatsimiinnissami peqataaneq.

Angalanermut sukumiinerusumik paasissutissat pillugit attaveqarfissaq: Naalakkersuisumut allatsi Rosa Thorsen rose@nanoq.gl +299345000