Aqqusinertigut Angallannermut Aqutsisoqarfiup matumuuna biilinut oqinnerusunut aalajangersimasunut Kalaallit Nunaanni sumiiffinni aalajangersimasuni ingerlatsisinnaanermut allagartaqarnissamut piumasaqaatinut nalunaarummut missingiut tusarniaassutigaa.

Tusarniaanermut piffissaq killiliussaq tassaavoq ulloq 16.november 2026

Nalunaarummut missingiummut inatsisissatut siunnersuut nr. 21, Folketingimi ulloq 7. oktober 2026-mi saqqummiunneqartoq Kalaallit Nunaannut aqqusinertigut angallannermut inatsisip allanngortinneqarneranut tunngasoq tunuliaqutaavoq, taanna biilinik pingasunik assakaasulinnik aamma biilinik sisamanik assakaasulinnik ingerlatsinermut allagartaqarnissamik piumasaqaammik atorunnaarsitsivoq, biilip ingerlanissamut piareersimalluni oqimaassusaata 450 kg inunnik angallassinermut qaanginngippagu aamma 600 kg usinik assartuinermut, taakkulu qamutinut nalinginnaasumik ATV-nik aamma UTV-nik taaneqartartut ilaapput.

Inatsisissatut siunnersuummik Namminersorlutik Oqartussat ATV-nut aamma UTV-nut ingerlatsinermut allagartaqarnissamik piumasaqaatip illoqarfiit annerit avataanni atorunnaarsitsinissamik kissaateqarneq piviusunngortinneqarpoq, pissutsit nunamut aamma aqqutinut tunngasut ingerlatsinermut allagartaqarnissamut piumasaqaammut naapertuutinngitsuni.

Inatsisissatut siunnersuut peqatigisaanik, by-, land- og transportministerimut Naalakkersuisut innersuussinerat malillugu, nunami sumiiffinni toqqakkani aalajangersimasuni, biilit pingasunik assakaasullit aamma sisamanik assakaasullit nassuiarneqartut ingerlatsinermut allagartaqarnissamut piumasaqaateqartoqarnissaanut aalajangersakkanik aalajangersaanissamut piginnaatitsinermik imaqarpoq.

Nalunaarutip imarisaanik itisiliineq

Nalunaarummut missingiummut biilit pingasunik assakaasullit aamma sisamanik assakaasullit oqinnerusut nassuiarneqartut nunami sumiiffinni Naalakkersuisut innersuussutigisaanni ingerlatsinermut allagartaqarnissamut piumasaqaatinik aalajangersaanissaq siunertarineqarpoq.
Kalaallit Nunaanni nunami sumiiffiit, ingerlatsinermut allagartaqarnissamut piumasaqaateqarnermut ilaatinneqartussat tassaapput Nanortalik, Qaqortoq, Narsaq, Paamiut, Nuuk, Maniitsoq, Sisimiut, Aasiaat, Qeqertarsuaq, Qasigiannguit, Ilulissat, Uummannaq, Upernavik aamma Tasiilaq.

Nalunaarummut missingiut naapertorlugu ingerlatsinermut allagartaqarnissamut piumasaqaat illoqarfinnut taakkartorneqartunut taakkulu aqquserninut tunngavoq. Tamanna ass. Ingerlatsinermut allagartaqarnissamut piumasaqaat aqqusinernut illoqarfimmut atasunut atuunneranik isumaqarpoq, taakku ”illoqarfiup qeqqata” avataani inissisimasinnaasunut. Aqqusernit Nuup illoqarfianit Nuummi mittarfimmut ass. Ingerlatsinermut allagartaqarnissamik piumasaqaammut ilaatinneqassapput.

Nalunaarummut missingiummi erseqqissarneqarpoq, Sisimiut aamma Kangerlussuup akornanni ATV-nut aqqusineq Sisimiunut aqqusinernut ilaasunut taaguummi ilanngunneqanngitsoq, taamaalillunilu ingerlatsinermut allagartaqarnissamut piumasaqaammut ilaatinneqanngilaq.

Nalunaarut ulloq 1. Januar 2027-mi atuutilersinneqarsinnaassasoq naatsorsuutigineqarpoq, Kalaallit Nunaannut aqqusinertigut angallannermut inatsisip siunnersuutigineqartup peqatigisaanik.

Nalunaarutip atulersinneqarnissaanut, inatsisissatut siunnersuutip akuerineqarnissaanik piumasaqaatitaqarnera maluginiaqquneqarpoq.

Aningaasatigut aamma allaffissornikkut kingunerisassai (inuussutissarsiornermut aamma innuttaasunut)
Nalunaarummut missingiut aningaasatigut aamma allaffissornikkut inuussutissarsiortunut aamma innuttaasunut kinguneqartitsissanngitsoq, Aqqusinertigut Angallannermut Aqutsisoqarfiup nalilerpaa, nalunaarummut missingiut nunami sumiiffinni aalajangersimasuni arlaatigut ingerlatsinermut allagartaqarnissamut piumasaqaatit atuuttut attanneqassammata.

Suliap ingerlaqqinnissaa

Nalunaarut ulloq 1. januar 2027 atuutilissasoq siunnersuutigineqarpoq.

Aqqusinertigut Angallannermut Aqutsisoqarfiup piumasaraa oqaaseqaataasinnaasut aqutsiveqarfiup mailianut pingaarnermut nassiunneqassasut uunga info@fstyr.dk, cc.-lerlugu uunga trra@fstyr.dk kingusinnerpaamik ulloq 16. November 2026, j. nr. 2026-1917143 allallugu.

Missingiummut apeqqutissaasinnaasut Trine Thøgersen Rasmussenimut mailimut trra@fstyr.dk aamma/imaluunniit uunga info@fstyr.dk apeqqutigineqassapput.

Tusarniaaffigineqartut allattorsimaffiannik ilanngussisoqassaaq.

Aqqusinertigut Angallannermut Aqutsisoqarfiup tusarniaaneri tamanut ammasuupput, tusarniaanermullu akissuteqaatit matumunnga soqutiginnittunit tamanit tunniunneqarsinnaapput.

Tusarniaanermut akissuteqaatit takkuttut Høringsportalenimi atuutilersitsinerup kingorna saqqummiunneqassapput. Tusarniaanermut akissuteqarnermi pineqartup tusarniaanermut akissuteqaatai aamma attaveqarfigineqarnissamut paasissutissat ilanngunneqartut tusarniaanerup kingorna saqqummiunneqarnissaannut akuersissuteqartoqassaaq.

Kalaallit Nunaannut nalunaarutit atulersinneqartut Lovtidendemi saqqummiunneqartarput. Aqqusinertigut Angallannermut Aqutsiveqarfiup nutaarsiassaataanik pisartagaqalernissaq Aqqusinertigut Angallannermut Aqutsiveqarfiup nittartagaatigut pisinnaavoq.