Matumuuna Kalaallit Nunaanni qamutit motorillit pisatsersugaanerat aamma atortui pil-lugit nalunaarummut missingiut tusarniaatitut Færdselsstyrelsenimit nassiunneqarpoq.

Ulloq 31. august 2026 tusarniaanermut killigitinneqarpoq

Kalaallit Nunaannut, larvefodilinnik aamma saneqqamikkut ersiutinik qullilinnik ATV-nik maleruagassiuineq ilaatillugu, isumannaassutsimik misissuisarnermik aaqqissuussamik pilersitsinerup ilaatut, Kalaallit Nunaanni qamutit motorillit pisatsersugaanerat aamma atortui pillugit nalunaarut pingaarnertut allanngortinneqassaaq.

Tamatuma saniatigut aqqusinikkut angallannermi isumannaallisaanermik pitsanngorsaanissaq siunertaralugu ilaatillugit saneraatigut assiaqusersuutit pillugit pi-umasaqaatinut ilassutinik, angallattunik aqitsunik soorlu inunnik pisuinnarnik, cykel-ertunik, knallertertunik il.il., illersuineq annertusarniarlugu aammalu assakaasut allaasa itissusaannut piumasaqaatit sukaterniarlugit naligiissaarinernik ataasiakkaanik suli-aqartoqarpoq.

Kiisalu nalunaarummut missingiut nutaamik atuutilersitsinertut suliaavoq, taamaalilluni nalunaarut katitigaq, siumungaaq qarasaasiakkut, ilaatigut lovtidende.dk -mi aamma nalu-naarutit.gl -mi takuneqarsinnaallutik. Motorcykelit pillugit kapitalip peerneqarneranik, ullorlu 1. juli 1980 sioqqullugu Kalaallit Nunaannut eqqunneqartunut imaluunniit Kalaal-lit Nunaanni sananeqartunut motorcykelinut ikaarsaarnermi aalajangersakkamik taarser-neqarneranik tamanna nassataqarpoq.

Erseqqissaatigineqassaaq nalunaarummut missingiutip qallunaatuuani, nalunaarut atuuttoq eqqarsaatigalugu, imarisaatigut allannguutit, allannguiffiusut nalunaaqutsigaatillugit erser-sitaammata.

Kalaallit Nunaanni qamutit motorillit pisatsersugaanerat aamma atortui pillugit nalunaarut, kingusinnerusukkut amerlanngitsunik malitsigititanik allannguuteqarluni, 1979-imeersuuvoq. Taamanerniilli qamutinut motorilinnut atortorissaarutitigut susassaqarfimmi annertuumik ineriartortoqarsimanera Færdselsstyrelsenimit eqqumaffigineqarpoq, nalu-naarummillu iluarsaassinissamut annertunerusumut malitsigitinneqartussamut atatillugu isumassarsianik tunniusserusuttoqassappat iluarissaqalugit. Tusarniaanermut akissummik tunniussinermut atatillugu, email-ikkut immikkoortitakkut imaluunniit immikkoortillugu allakkiatut kakkiussatut, isumassarsiat tunniukkusutat taamaattut immikkoortillugit nassi-unneqaqquneqarput. Nalunaarummik misissueqqissaarnissaq 2027-ip sisamararterutaata (kvartaliata) siulliup ingerlanerani aallartinneqassasoq naatsorsuutigineqarpoq.

Nalunaarutip imarisaanik itisilerineq

1. Motorcykelit
Motorcykelinik eqqussuinermut aamma sanaartornermut inerteqquneqarneq pillugu Ka-laallit Nunaannut inatsisikkut nr. 186, 14. maj 1980-meersukkut, Kalaallit Nunaanni mo-torcykelinik eqqussuineq aamma sanaartorneq inerteqqutaalerpoq.
Tamanna tunulequtaralugu Motorcykelit pillugit kapitali, nalunaarummut missingiummi ilaajunnaarsinneqarpoq.
Tamanna tunulequtaralugu Motorcykelit pillugit kapitali, nalunaarummut missingiummi ilaajunnaarsinneqarpoq. 1. juli 1980 sioqqullugu, Kalaallit Nunaannut eqqunneqartunut imaluunniit Kalaallit Nunaanni sanaartorneqartunut, motorcykelinut maleruagassat maan-namut atuuttut ingerlatiinnarneqarnissaat pisariaqartinneqartoq nalilerneqarpoq. Tamanna nalunaarummut missingiummi § 48, imm. 3-tut ikkunneqarpoq.

2. Oqaatsitigut naligiissaanerit
§ 1, nr. 1-imi, oqaaseqatigiiliorneqarneq allanngugaavoq, taamaalilluni 400 kg.-nik oqi-maassutsimut piumasaqaat taamaallaat qamutilinnut motorilinnut pingasunik assakaas-ulinnut tunnganera erseqqissarneqarluni.
Taanna § 33, imm. 1-imi oqaaseqatigiit aappaat, § 39, imm. 1-imi oqaaseqatigiit aappaan-nik atuuttuusumik oqaaseqatigiiliueqqinneruvoq, oqaasertalersornerisalu nutarterneqarnis-saannik siunertaanut tunulequtaalluni.

3. Qamutit motorillit larvefodillut
Nalunaarummut missingiummi § 6, imm. 1, aamma § 19, imm. 1 aamma 2 aaqqissugaap-put, taamaannerani § 7, imm. 4 piiarneqarluni taamaalilluni nalunaarut siumungaaq ATV-iinik larvefoditalinnik imaqarsinnaalerluni.
§ 7, imm. 4-p piiarneqarneranut atatillugu, ATV-t ingerlaarnermi unissaammik aammalu uninnganermi unittaammik ataatsimoorussamik piligaammata erseqqissaatigineqassaaq. Bil-it pillugit kapitali 3-mi aalajangersakkanut ATV-t ilaatigut ilaatinneqassammata, § 7, imm. 4 piiarneqarpoq.
Allannguutinut siunertaasoq tassaavoq, Kalaallit Nunaanni qamutit motorillit pisatsersu-gaanerat aamma atortui pillugit nalunaarut, siunissami ATV-nik larvefodilinnik imaqas-sasoq, taamaattumillu Færdselsstyrelsen-ip ATV-nik larvefodilinnik isumannaassutsimik misissuisarnissaanut teknik-kikkut tunngaviliisinnaanngorluni.
ATV-t larvefodillit, sumut atugaanerat apeqqutaalluni, nalunaarummut missingiummi kapitali 3-mi bilinut maleruagassanut soorluttaaq nalunaarummut missingiummi kapitali 5-mi traktorinut maleruagassanut ilaatinneqarsinnaassasut, taakku allannguutit siun-nersuutaasut, nassatarissavaat.

4. Snescooterit
§ 32 atuuttoq malillugu snescooterit, ingerlaarnermi unissaammik (driftbremse-mik) aam-malu uninnganermi unittaammik (parkeringsbremse-mik) ataatsimoorussamik atortoqaqqusaanngillat. Snescooterit ullutsinni ataatsimoorussanik atortoqarmata, § 7, imm. 4-mut innersuussutitaata peerneqarneratigut, nalunaarummut missingiummi § 25-mi allanngortinneqassasoq siunnersuutigineqarpoq.
Tamatuma saniatigut, sanguffissamut nalunaarutit ikittaqattaarutit, qulliit pujorsiutit, sa-neraasa killinginut qulliit, ilassutitut qulliit sumiiffissiutit- aamma tunuani qulliit, uteri-arsornermut qulliit aamma qulliit sullisit siunissami snescooter-inut pisatsersuutigi-neqarsinnaanerannut akuersissummik nalunaarummut missingiummi § 27, imm. 2-mi aalajangersakkamik nutaamik ikkussisoqarpoq.
Kiisalu, siusinnerusukkut Motorcykelit pillugit kapitalimi aalajangersakkani pi-umasaqaatinut ingerlaavartumik innersuussisoqartarmat, snescooterit pillugit kapitalimi kingunerititatut allannguutinik arlalinnik suliaqartoqarpoq. Piumasaqaatit tamakkua al-lanngunngillat, kisianni, Motorcykelit pillugit kapitalip piiarneqarnerata malitsigisaanik nuunneqarlutik, maannalu nalunaarummut missingiummi §§ 27 aamma 28-mi snescooterit pillugit kapitalimi, toqqaannartumik ersillutik.

5. Saneraanut ersiutit qulliit
Kalaallit Nunaanni qamutit motorillit atortui aamma pisatsersugaanerat pillugu nalunaarut malillugu, qamutit motorillit peqqusissutaasunit imaluunniit akuerisaasunit qullernit aam-ma refleks-init aaqqissuussanit allaanerusunik peqartinneqaqqusaanngillat. Nalunaarummi § 3, imm. 3 atuuttoq malillugu taamaappoq, tamannalu allanngortinnagu nalunaarummut missingiummi ingerlateqqinneqarluni.
Taamaattumik taakkuninnga § 10, imm. 5, aamma § 43, imm. 3-mik siunnersuutigineqar-tunik, bil-it aamma kalittakkat sungaarujuttunik qullernik saneraasigut ersiutinik qullernik peqartinneqarsinnaanerat akuersissutigineqarpoq.
Tamatuma saniatigut saneraatigut ersiutitut qulliit § 15, imm. 1-imut ilanngunneqarpoq. Bil-it ataatsimut isigalugit taakku saneraatigut ersiutinik qullernik pilerneqarsimappata, naligiimmik amerlassusilinnik saneraatigut ersiutinik qullernik peqartinneqassasut, tassani erseqqissaatigineqarpoq.

6. Saneraani refleksit
Nalunaarummut missingiummi § 12, imm. 2, aamma § 33, imm. 2-mik, sanerarmiut re-fleks-it pillugit piumasaqaatit annertusineqarput, taamaalillutik bilit aamma atortut motoril-lit, 6 meterinik qaangiisut, siunissami saneqqamikkut illugiissillugit minnerpaamik mar-lunnik sungaartunik sanerarmiunik refleksinik pilerneqartassallutik. Nalunaarummi maan-na atuuttumi, aatsaat 8 m.-i qaangeqqagaangassuk, saneraatigut refleksit pillugit pi-umasaqaatinut ilaatinneqartaraluarput.
Aqqusinertigut angallannermi isumannaallisaanerup pitsaanerulersinneqarnissaa, anner-tusaanerup tamatuma tunulequttatut siunertaraa.

7. Assakaasut qalequtaasa allaasa itissusaat
Nalunaarummut missingiummi § 19, imm. 2-mik, assakaasut qalequtaasa allaasa itissusaat 1,0 mm-miit 1,6 mm-mut minnerpaaffittut piumasaqaatitaa annertusineqassasoq siun-nersuutaavoq. Naligiissaarineq tamanna, aqqusinertigut angallannermi isumannaallisaaneq eqqarsaatigalugu suliarineqarpoq.

8. Saneraatigut assiaqusersuineq
Nalunaarummut missingiummi §§ 21 aamma 45-mik, bil-inut akuerisaasumik 3.500 kg sinnerlugit tamakkiisumik oqimaassusilinnut aammalu usinik assartuinissamut pisatsersu-gaasunut kalusiuttakkanut akuerisaasumik 3.500 kg sinnerlugit tamakkiisumik oqimaassu-silinnut talerpiata tungaagut saneraatigut assiaquteqarneq pillugu piumasaqaat ikkun-neqarpoq.
Inuinnarnut angallattunut isumannaallisaanerup qaffannissaa, saneraatigut assiaqusersui-neq pillugu piumasaqaatinik ilassusiinerup siunertaanut tunulequtaavoq.
Saneraatigut assiaqusersuinermut piumasaqaatit aalajangersakkat, ilaatigut, saneraatigut assiaqusersuineq pillugu qallunaat maleruagassiaannut tunngavigineqartut FN-regulativ 73 aallaavigalugu suliarineqarput. Piumasaqaatit piuminarsagaapput, taamaalillutik EU-meersut qamutit motorillit kisimiinnatik piumasaqaatinik naammassinnittuulersut kisianni aammattaaq qamutit motorillit niuffaffinniit allaneersut, piumasaqaatinik naammassinniler-sillugit imaluunniit piumasaqaatinut naapertuutilersikkuminarlutik.

9. Knallertit
Nalunaarummut missingersuummik knallertit immikkut kapitalilerneqarput.
Oqartussaasutut type-nik akuersissuteqartutut akuerisaasutut kisiartaasutut Inatsiseqarner-mut ministeeria (Justitsministeriet) nalunaarummut missingiummiit peerneqarpoq siunis-samilu knallertit type-mikkut oqartussaqarfimmit ataatsimit akuerisaaginnartalissallutik. Knallertit type-mikkut akuerisaasut, tamatumani type-mikkut akuerisaanerat meqqiler-neqarsimanerisigut ersittassalluni, taannalu nalinginnaasumik takuneqariaannaasumi saaniini inissisimatinneqartassaaq.
Siunnersuutaasumi § 35-mi, knallertit aquutaannut piumasaqaatit atuarneqarsinnaapput. Piumasaqaatit taakku allanngortitaanngillat kisianni, Motorcykelit pillugit kapitalip peer-neqarnerata malitsigisaanik nuunneqarlutik, maannalu knallertit pillugit kapitalimi toq-qaannartumik takuneqarsinnaallutik.
Aammattaaq siunnersuutigineqartumi § 36-imi, Motorcykelit pillugit kapitalip peerneqar-nerata malitsigisaanik, kingunerititatut allannguutinik suliaqartoqarpoq, tamatuma sania-tigut § 13-i malillugu piumasaqaatit, aalajangersami toqqaannartumik allassimalerput. Si-unissami knallertini pingasunik assakaasulinni tunuani qulliit aamma tunuani refleks-it assigiinnissaannik piumasaqaatinik aalajangersaasoqassasoq nutaanerpaatut siun-nersuutigineqarpoq.
Siunnersuutigineqartumi § 38-imi, knallertit ingerlaarnermi unittaataannut piumasaqaatit takuneqarsinnaapput. Tamatumunnga piumasaqaatit, siornatigut § 23-mi aamma § 7, imm. 1 aamma 2-mi takuneqarsinnaasimagaluarput. Assakaasumut tunorlermut unittaat angallatip assakaasullip talerpiata tungaaniit tutisakkamik atugarineqarnissaa pillugu pi-umasaqaat, teknikkikkut nutaanngilimmat, imarisaatigut naligiissaarinermik suli-aqartoqarpoq, tamatuma malitsigisaanik ingerlaarnermi unittaammik agguataarinermut piumasaqaat peerneqarluni.
Siunnersuutigineqartumi § 39-imi knallertit uninnganermi unittaataannut piumasaqaatit takuneqarsinnaapput. Piumasaqaatit tamakkua allanngortinneqanngillat, kisianni Motor-cykelit pillugit kapitalip piiarneqarnerata malitsigisaanik nuunneqarlutik, taamaalillutik knallert-it pillugit kapitalimi toqqaannartumik maanna takuneqarsinnaallutik.

10. Kalittakkat qullilersugaanerat
Nalunaarummut missingiummi § 43-mi naligiissaarinermik, siunissami piumasaqaataaju-aannassasoq kalittakkat tunuanni ikittaqattaarutinik aamma unissarnermut qullernik piler-neqartassasut siunnersuutaavoq. Allannguinermut siunertaasoq tassaavoq aqqusinertigut angallannermi isumannaallisaanerup qaffassarnissaa.

Inuussutissarsiornermut aammalu innuttaasunut aningaasaqarnikkut kingunissai
Nalunaarummut missingiut, inuussutissarsiornermut aamma innuttaasunut, aningaasaqar-nikkut kinguneqartoq, Aqqusinertigut angallannermut Aqutsisoqarfimmit (Færdselsstyrel-sen-imit) nalilerneqarpoq.

6 m-it aamma 8 m-it akornanni takissusilinnut bil-inut aamma sakkunut motorilinnut piginnittuusut, siunissami saneraatigut refleksit pillugit piumasaqaammut ilaatinneqalis-sapput, tamannalu saneraatigut refleksinik pisatsersugaariinngitsunut bil-inut aamma sak-kunut motorilinnut ikaarsaarnermut aningaasartuutinik nassataqassalluni. 6 m-it sinnerlugit takissusillit bilit aamma sakkut motorillit amerlanerpaat saneraatigut refleks-inik pisat-sersugaareertartut nalilerneqarpoq, taamaattumillu qamutit motorillit ikittut attorneqarnis-saat naatsorsuutaalluni.
Bil-inik piginnittut, assakaasut qalequtaasa allaasa itissusaannut minnerpaamik pi-umasaqaammik annertusisamit aningaasartuuteqarnerulissasut nalilerneqarpoq, malerua-gassamik allannguinermik bilinik piginnittut nalinginnaasumik assakaasut qalequtaannik siusinnerusukkut taarsersuisalernissaat naatsorsuutigineqarmat.
3.500 kg-it sinnerlugit akuerisaasumik tamakkiisumik oqimaassusilinnut bil-inut aamma 3.500 kg-it sinnerlugit akuerisaasumik tamakkiisumik oqimaassusilinnut usinik assartui-nissamut pisatsersugaasunik kalittakkanut piginnittut, talerpiata tungaagut saneraatigut assiaquteqarnissaq pillugu piumasaqaammut ilaatinneqarput. 1.700-t aamma 2.000-it akornanni amerlassusillit qamutit motorillit saneraatigut assiaquteqarnissaq pillugu pi-umasaqaammut ilaatinneqarput nalilerneqarpoq. Tamakkua qamutit motorillit ilaat amer-lanerusut saneraatigut nalunaarummi piumasaqaammut naammassinnittumik assiaqu-sersugaareerput. Taamaattoq qamutinut motorilinnut saneraatigut assiaquteqanngitsunut imaluunniit saneqqamikkut assiaqusersornerat piumasaqaatinik naammassinninngitsunut ikaarsaarnermi aningaasartuuteqassaaq.
Kiisalu, tunuagut sangulernermi ikittaqattaartartunik qullernik aamma unissarnermi qul-lernik pilerneqarsimanngitsunut kalittakkanut ikaarsaarnermi aningaasartuuteqarumaar-poq. 500-t aamma 600-t akornanni amerlassusillit kalittakkat, piumasaqaammut ilaatin-neqartut nalilerneqarpoq. Taakkunannga amerlasuut, tunuagut sangulernermi ikittaqattaar-tartunik qullernik aamma unissarnermi qullernik pilerneqareersimapput. Taamaattoq tunuagut sangulernermi ikittaqattaartartunik qullernik aamma unissarnermi qullernik piler-neqarsimanngitsunut kalittakkanut ikaarsaarnermi aningaasartuuteqarumaarpoq.

Suliap ingerlaqqinnera
Nalunaarut ulloq 1. januar 2027 atuutilersinneqassasoq siunnersuutaavoq.

Oqaaseqaataasinnaasut kingusinnerpaamik ulloq 31. august 2026, una nalunaaqutsiullugu j.nr. 2026-1570219, Aqutsisoqarfiup pingaarnertut mail-ianut “info@fstyr.dk, unalu ilanngullugu (cc-eerlugu) sbre@fstyr.dk” nassiunneqassasut, Aqqusinertigut Angallan-nermut Aqutsisoqarfimmit noqqaassutigineqarpoq.

Missingiummut apeqqutissaqartoqaruni Steffen Bredgaard-imut, mail-imut sbre@fstyr.dk imaluunniit uunga info@fstyr.dk saaffiginnissutigineqarsinnaavoq.

Tusarniaavigineqartut allattorsimaffiat ilanngunneqarpoq.

Aqqusinertigut Angallannermut Aqutsisoqarfimmit tusarniaanerit tamanut ammasuusarput tamatumunngalu soqutigisalinnit tamanit tusarniaanermut akissutit tunniunneqartarsin-naallutik. Naak tusarniaanermut peqataasut allattorsimaffianni ilaanngikkaluaraanniluun-niit, tamanna aammattaaq atuuppoq.

Tusarniaanermut akissutit, atuutilersinneqarnerisa kingorna, Tusarniaanermut Nittartak-kakkut tamanut saqqummiunneqarumaarput. Tusarniaanermut akissutinik tunniussinermi, tusarniaanerup naammassinerata kingorna, pineqartup tusarniaanermut akissutai attavigi-neqarnissamullu paasissutissat ilanngullugit nassiunneqartartut tamanut saqqummiun-neqarsinnaanerinut akuersissutigineqartarpoq.

Kalaallit Nunaannut nalunaarutit atuutilersitat, Lovtidende-mi tamanut saqqummiun-neqassapput. Aammattaaq Aqqusinertigut Angallannermut Aqutsisoqarfiup nutaarsiassa-nik allagarsiivia maleruagassat atuutilersinneqartut pillugit paasissutissanik imaqartarpoq. Nutaarsiassanik allagarsiivimmut allatsinneq, Aqqusinertigut Angallannermut Aqutsiso-qarfiup nittartagaatigut pisinnaavoq.