Færdselsstyrelsenip matumuuna Kalaallit Nunaanni qamutit misissorneqartarnerannut nalunaarummut missingiut tusarniutigaa.

Tusarniaanermut killiliussaq ulloq 28. august 2026.

Nalunaarummut missingiut Kalaallit Nunaanni misissuisarnermut aaqqiissummik siunnersuute-qarpoq. Kalaallit Nunaanni misissuisarnermut aaqqiissut nutaajuvoq, danskit transportministeriata aamma Ineqarnermut, Attaveqaasersuutinut aamma Isorliunerusunut Naalakkersuisup, januar 2025-mi aammalu maj 2025 uppernarsaqqinneqartumi isumaqatigiissutaasoq.

Kalaallit Nunaanni misissuisarnermut aaqqiissummik atulersitsisoqarnissaa isumaqatigiissummi aalajangerneqarpoq. Aaqqiissutip aqqusernup sinaani aamma qamutinik uninngasunik misis-suinissaq periarfissaalersippaa, qamutit teknikkikkut qanoq innerannik nakkutilliineq pitsanngor-sarniarlugu. Aaqqiissut Kalaallit Nunaanni pissutsinut immikkut ittunut naleqqussagaavoq.

Nalunaarummut missingersuutip qamutinik misissuinerup qanoq ingerlanneqartarnissaanik malit-tarisassanik, Kalaallit Nunaanni aqqusinertigut angallannermi inatsimmi § 6 a, imm. 1-3 naapertor-lugu aalajangersaanissaq siunertaraa. Tamatuma saniatigut akuersissuteqarnermut nalunaarsu-ummut, misissuinermi akuersissuteqartoqarsimatillugu qamutini igalaanut inissitassamut malit-tarisassanik aalajangersaasoqassaaq.

Nalunaarutip imarisaanik nassuiaaneq

1. Atuuffia aamma nassuiaatit

Nalunaarummut missingiummi § 1-mi qamutit sorliit nalunaarummut ilaanersut aalajangersar-neqarput.
§ 2-mi taaguutit qitiusut missingiummi uteqattaarneqartut nassuiarneqarput. Innuttaasut aamma suliffeqarfiit malittarisassat sumut tunnganerannik ilisimanneqqissaarnissaannik nassuiaatit qulakkeerinnipput, tamannalu ataatsimut paasinninnermik aammalu inatsisit atuuttut ersarin-nerannik qulakkeerinnippoq.

2. Misissuinermik ingerlatsineq

§§ 3-7-mi misissuineq nalinginnaasumik qanoq ingerlanneqartassanersoq, malittarisassat aala-jangersarneqarput. Færdselsstyrelsenip nakkutilliisui aqqusernup sinaanut qamutinik aamma qamutinik kalittakkanik nakkutilliinissamut qanoq innersuussisinnaanersut aamma ingiaqate-qarsinnaanersut, kiisalu nakkutilliiviit qanoq LED-nik allagartanik, refleksinik, aamma qullernik il.il. nalunaaqutsiisarnermut malittarisassanik imaqarput.
Tamatuma saniatigut aalajangersakkat aqqusernup sinaani misissuinerup annertussusaanik aala-jangersaapput. Tamatuma kingorna Færdselsstyrelsenip nakkutilliisuisa qamutit aamma qamutit kalittakkat qanoq inissitsiterneqarsimanerinik aamma atortuinik misissuisinnaapput, qamutit pi-umasaqaatinut atuuttunut naapertuinersut qulakkeerniarlugit. Misissuinermi nakkutilliisoq tas-sunga atatillugu unittaatinik, assakaasunik, qamutit timitaannik, aquutaannik aamma attuumassuteqartunik allanik, nalunaarummut missingiummut ilanngussaq 1-imi allassimasunik misissuisinnaavoq.
Færdselsstyrelsenip nakkutilliisui aqqusernup sinaani misissuinermut atatillugu aamma usit aala-jangerneqarnerannik misissuisinnaapput, usit illikannginnissaat, nakkannginnissaat imaluunniit pisariaqanngitsumik nipiliornissaat pinngitsoortinniarnerat qulakkeerniarlugu.

3. Akornutinik aamma amigaatinik naliliineq

Aqqusernup sinaani misissuinermi akornutit aamma amigaatit § 8-mi immikkoortunut pingasunut agguataarneqarput, qanoq ilungersunartigineri kiisalu angallannermi isumannaallisaanermut aam-ma avatangiisinut pingaarutaat tunngavigalugit.

4. Akornutinik aamma amigaatinik iluarsiineq

§ 9 akornutit aamma amigaatit qamutit aamma qamutit kalittakkat misissorneqarnerini paasi-neqartunut iluarsiinissamut malittarisassanik imaqarpoq kiisalu taakku iluarsineqanngippata kingunerisassai. Misissuinermi nakkutilliisoq misissuinermut atatillugu akornutinik aamma ami-gaatinik ulorianartunik paasisaqaruni, misissuinermi nakkutilliisoq qamummut pineqartumik inger-latsinermut killiliinermik imaluunniit atuinissamut inerteqquteqarnermik aalajangersaasinnaavoq, akornutit aamma amigaataasut taakku iluarsineqarnissaasa tungaannut.

5. Misissuinermit nalunaarusiaq

Færdselsstyrelsenip nakkutilliisui misissuineq ingerlanneqareerpat misissuinermik nalunaarusiamik tunniussissapput. Misissuinermit nalunaarusiamik tunniussinermut aamma imarisaanut malittarisassat §§ 10 aamma 11-mi aalajangersarneqarput.

6. Akuersissuteqarnermut nalunaarsuut

§§ 12 aamma 13-ip akuersissuteqarnermut nalunaarsuut qamutinut aamma qamutinut kalittak-kanut qanoq pisoqarnerani ikkunneqartassanersoq malittarisassanik aalajangersarpai. Qamutit misissuinermit “akuerineqarpoq”-mik imaluunniit “nalunaarsuutilimmik akuerineqarpoq”-mik in-erneqartut taamaallaat, misissuinerup kingorna akuersissuteqarnermut nalunaaqutserneqarsinnaapput.

7. Maalaaruteqarsinnaaneq aamma unioqqutitsinerit

§ 14 Færdselsstyrelsenip nalunaarut malillugu aalajangiineranik transportministerimut imaluunniit allaffissorluni oqartussanut allanut maalaarutigineqarsinnaannginneranik malittarisassanik ima-qarpoq.
§ 15 akornutit aamma amigaatit misissuinermi paasineqartut iluarsineqarsimanngippata, imaluun-niit misissuinermut atatillugu inerteqquteqarneq imaluunniit peqqussuteqarneq malinneqanngippat, qamummik piginnittumut, atuisumut aamma ingerlatsisumut pineqaatissiinissamut inatsisitigut tunngaviliivoq. Piginnittoq, atuisoq aamma ingerlatsisoq Kalaallit Nunaanni pinerluttulerinermi inatsit naapertorlugu pineqaatissinneqarsinnaavoq.

8. Illersornissamik suliassaqarfik

§ 16, nalunaarutip illersornissamik suliassaqarfinni atuutinnginneranik erseqqissaavoq, taanna illersornissaq pillugu isumaqatigiissummi 1951-meersumi aaqqissorneqarpoq.
9. Ilanngussaq 1: Aqqusernup sinaani misissuinerup annertussusaa
Nalunaarummut missingiummi ilanngussaq 1 ”Kalaallit Nunaanni aqqusernup sinaani misissu-inerup annertussusaa”-nik qulequtalimmik ilanngussaqarpoq. Ilanngussami nakkutilliisarfiit aam-ma misissuinermik ingerlatsinermut atatillugu piumasaqaatinik erseqqissaavoq. Ilanngussami aamma misissuineq qanoq ingerlasarnersoq nassuiarneqarpoq, kiisalu nakkutilliisut qamutini akornutinik aamma amigaatinik naliliinermut periusai. Tamatuma saniatigut usit isumannaallisar-nissaannut tunngaviusut nassuiarneqarput.
Misissuineq tunngaviusumik alaatsinaalluni aamma teknikkikkut misissuineruvoq, pingaarnerit makku nakkutilliivigineqarlutik:
Kigaallassatait: kigaallassaatit skiveriannik/klodsiannik atuuffiinik, sunniuteqassusaannik aamma qanoq innerannik misissuisoqassaaq

2) Aquut: aquut, ratstamme aamma servostyring misissorneqassapput

3) Isigisinnaasat: igalaat, tarrarsuutit aamma igalaanut masarlerutit misissorneqassapput

4) Qulliit, reflektionimut atortut aamma atortut elektroniskit: qullernik misissuinermut tunnga-voq, soorlu qulliit ikittaartut, kigaallannermi qulliit, qulliit pujorsiutit il.il. ajunnginnersut aamma eqqortumik qalipaateqarnersut

5) Akselit, assakaasut, assakaasut qalequtaat, perlaat (meder), bæltit aamma ajorinnguju-itsut/sissingusat: undervognip misissorneqarnera

6) Timitaa (chassis) aamma timitaanut atasut: misissuinermi sinaakkutit aamma tassunga atasut ilaapput

7) Atortut assigiinngitsut: ass. tarrarsuutit aamma qilerutit atuuffii aamma aalajangerneqarneri misissorneqartarput

8) Akornutit: nipiliornernik, putsumik aamma imerpalasunik kuuttoqarneranik misissuineq

9) Usinik aalajangersuineq
Qulequttat allat tassaapput qamutit suussusersineqarnissaat. Tassani ilaatigut qamutit normui (stelnummer) nakkutilliivigineqartarput.

Inuussutissarsiortunut aamma innuttaasunut aningaasaqarnikkut aamma allaffissornikkut kingunerisassat
Nalunaarummut missingiut inuussutissarsiortunut aningaasaqarnikkut kinguneqarnissaa naatsor-suutigineqanngilaq, misissuinermut aaqqiissut akitsuutitigut aningaasalersorneqassanngimmat.
Nalunaarummut missinngiut inuussutissarsiortunut imaluunniit innuttaasunut toqqaannartumik allaffissornikkut kinguneqartitsinngilaq.

Suliap ingerlariaqqinnissaa

Siunnersuutigineqarpoq nalunaarut ulloq 1. januar 2027 atuutilissasoq.
Oqaaseqaataasinnaasut aqutsiveqarfiup pingaarnertut mailianut info@fstyr.dk, uunga cc.-lerlugit endb@fstyr.dk kingusinnerpaamik 28. august 2026 j.nr. 2025-1044005-mik nalunaaqutserlugit nassiunneqassapput.

Missingiummut apeqqutaasinnaasut immikkut siunnersortimut Eleni Borisovamut mailimut endb@fstyr.dk imaluunniit uunga info@fstyr.dk nassiunneqassapput.
Tusarniaaffigineqartt allattorsimaffiat kakkiunneqassaaq.

Færdselsstyrelsenip tusarniaaneri tamanut ammasuupput, tusarniaanermullu akissutit so-qutigisaqartunit tamanit tunniunneqarsinnaapput, Tamanna aamma tusarniaaffigineqartunut allat-torsimaffimmi allassimanngikkaluarluni atuuppoq.

Tusarniaanermut akissutit Høringsportalenimi tunniunneqarnerisa kingorna saqqummiunneqas-sapput. Tusarniaanermut akissuteqarnermi, tusarniaanermut akissutit aamma attaveqarfissatut paasissutissat tusarniaanerup naammassinerani saqqummiunneqassasut akuerineqassaaq.

Nalunaarutit atuutilersinneqartut Retsinformationimi saqqummiunneqartarput. Færdselsstyrelsenip nutaarsiassanut allagaa aamma malittarisassanik atuutsinneqqalersunik imaqartarpoq. Nutaarsi-assanut allakkanik pisartagaqalerneq Færdselsstyrelsenip nittartagaani pisinnaavoq