Maanna missingiut qulaani taaneqartoq tusarniaassutigalugu nassiunneqarpoq.

Tusarniaanermut akissuteqarnissamik killiliussaq: ulloq 2. juli 2026
Oqaaseqaataasinnaasut e-mailikkut uunga nassiunneqarnissaata qinnutigineqarpoq: oed@nanoq.gl assilineralu uunga kska@nanoq.gl.

Tusarniaaneq tusarniaavimmi www.naalakkersuisut.gl aamma takuneqarsinnaavoq.

Eqikkaaneq

Siunnersuut Pisortanut akiitsut akilersinniarneqartarnerat pinaveersaartinneqarnissaallu pillugit Inatsisartut inatsisaata allannguutissaatut Inatsisartut inatsisaannut (akiliisitsiniartarnermut inatsit) allannguutinik imaqarpoq. Siunnersuut immikkoortunik pingaarnernik ima imaqarpoq:

• Akiliisitsinartarnermi inatsit § 1, imm. 2-anik nutarterineq, inatsisip atuuffianik inatsisinik allattuiffimmik nutarterilluni aalajangersaasoq.

• Akileraartarnermut ingerlatsiviup nammineerluni pisortanut akiligassanik pisariinnerusumik akiliisitsisinnaaneranik piginnaatitaanera annertusarniarlugu, akiliisitsiniartarnerup inatsimmi § 2-anik annertusiineq.

• Akileraararnermut ingerlatsiviup akiliisitsiniarnermi ilaata annertunerusup imminut isumagisunngortissinnaanera pillugu sulianik ilanngussisinnaatitaanerup annertusarnera, tassani pisortat fakturanik akiliisarnerat ilanngullugu.

• Suliap ingerlanneqartarnerata annertunerusumik imminut isumagisunngortinneqarsinnaanera pisinnaanngoqqullugu, akiliisitsiniartarnerup immikkoortuani atsiortussaatitaanerup ilaatinneqarunnaarneranik Naalakkersuisunut piginnaatitsissut.

• Ingerlaannartumik aningaasarsianit ilanngaatiginninnissamut killissaliussanik aalajangersaanissamut piginnaatitsissut