Kalaallit Nunaani filmiliorsinnaanermut akuersissut pillugu Namminersorlutik Oqartussat nalunaarutissaattut siunnersuut pillugu tusarniaaneq.

Kalaallit Nunaani filmiliorsinnaanermut akuersissut pillugu Namminersorlutik Oqartussat nalunaarutissaattut siunnersuut tusarniaassutitut matumuuna nassiunneqarpoq.

Nalunaarutissatut siunnersuutip suliarineqarnerani filmiliortarneq pillugu inatsisitigut Inatsisartut inatsisaanni nr. 65, 6. december 2024-meersumi § 30, imm. 2 aamma § 34, imm. 2 tunngavigineqarput. 

Siunnersuummut oqaaseqaataasinnaasut naalakkersuisoqarfiup pisortatigoortumik mail adresseanut,iktin@nanoq.gl -imut assilineralu ataani atsiortumut clkl@nanoq.gl-imut kingusinninnerpaamik 10. martsi nassiuteqquneqarput.

Siunnersuummi qinnuteqarnermut malittarisassat aalajangersarneqarput, matumani ilanngullugit qinnuteqaat paasissutissanik sunik imaqassanersoq, akiliutit, akuersissuteqarnissamut piumasaqaatit, paasissutissanik pingaarnernik nalunaarsuineq, qinnuteqarfissanut killigititat tamanut saqqummiunneqartarneri, filmiliorsinnaanermut akuersissutit paasissutissallu pingaarnerit nalunaarutigineqarneri, matumunnga ilanngullugit pineqaatissiinissamut atuutilersitsinissamullu aalajangersakkat saqqummiunneri.  

Kalaallit Nunaanni Filminstituti aamma Film.gl siunnersuutip suliarinerani isumasiorneqarnikuupput.

Inussiarnersumik inuulluaqqusilluta
Med venlig hilsen

Claus Kleemann
Immikkoortortaqarfimmi pisortaq
Inatsisilerinermik Immikkoortortaqarfik