Digitalinngortitsinermut Aqutsisoqarfimmit nalunaarummut Kalaallit Nunaanni tusarniaarnermut akulikissutsimut tunngasumut allaqqitassiaq nassiunneqarpoq.

Nalunaarummut allaqqitassaq Namminersorlutik Oqartussat, Nalunaarasuartaateqarfimmi Aqutsisunit, Radio-nik Aqutsisoqarfimmit Digitalinngortitsinermillu Aqutsisoqarfimmit suleqatigiinnermit suliarineqarnikuuvoq.

Tusarniaanermut akissutit nalunaarutinut allaqqitassiat Digitalinngortitsinermut Aqutsisoqarfimmut kingusinnerpaamik oktobarip 17-ani 2025-imi nassiunneqareersimassapput e-mailimut uunga: tele@digst.dk Kopiialu mfi@digst.dk-mut nassiunneqassalluni. J.nr. 2025-13858 innersuunneqassalluni.

Tusarniaanermut akissutit tiguneqartut Tusarniaanermut tunngasunut inissisimaffimmi tusarniaanerup kingorna saqqummiunneqassapput. Tusarniaanermut akissutinut nalunaarutini tusarniaanermi peqataasoq tusarniaanerup akissutaanut saqqummiussinissamut akuersisutut inissisimassaaq, soorlu nassiussisup atia, maili paasissutissallu allat tusarniaanermi akissummi allaqqasut ersarissinnaallutik.

Kalaallit Nunaanni radiokkut akulikissutsinut atuinermut tunngatillugu akitsuutinut tunngatillugu nalunaarut

Digitalinngortitsinermut Aqutsisoqarfik Namminersorlutik Oqartussat suleqatigalugu nalunaarut nr. 2001, 9. december 2020-meersoq Kalaallit Nunaanni frekvensinik atuinermut tunngasup misissoqqinneqarnissaanik pisariaqartitsisoqarnera nalilersimavaat. Tamanna tunngavigalugu Digitalinngortitsinermut Aqutsisoqarfiup Namminersorlutillu Oqartussat Kalaallit Nunaanni frekvensinut atuinermut nalunaarummut allaqqitassiaq suliarisimavaat.

Akitsuutit annertussusaat ataasiakkaat atuinermit aningaasartuutinullu allanut tunngatillugu tunngaveqarput, taakkununngalu tunngatillugu allaffissornermi ilaapput. Finansministeriamit missingersuutinut ilitsersuutaanni aningaasartuutit isertitallu akitsuutigineqartut ukiut sisamat ingerlaneranni oqimaaqatigiissinniarneqartarput. Oqimaaqatigiinneq tamanna anguniarlugu akitsuutit annertussusaat ilaat oqimaaqatigiissarneqartarput.

Ilaatigut radiunut atassuteqaqatigiiaanut akitsuutit ilai allanngortinneqassapput, akitsuutit radiukkut atassuteqaqatigiiaanut annertunerusunut, nettimik nassiussuiffimmik annertuumik piumasaqaateqartoqartillugu frekvensinit annikinnerusut aamma akitsuutaat annikinnerusillugit, suliarineqarneranni allaffissornikkut akuersissutissat assigiimmata.

Nalunaarummi § 4-mi, normu 5 allanngortinneqassaaq, 2020-imi Kalaallit Nunaanni radiukkut frekvensinut atuinermut akuersissummik peqqaarnani atuinermut tunngasup misissoqqinneqarnerata kingorna – soorlu aamma radiunut misissuinerit aamma kalerrisaarutit allallu, malittarisassani radiotelefonistitut (BEG) allagartartaarsinnaanermut killeqarmat Namminersorlutik Oqartussanit allagartaliisarneq atorunnaarsinneqarmat. Taamaammat § 4-mi, normu 5-mimi allagartartaartarnermut tunngasoq peerneqassaaq.

Ilaatigut aamma siunnersuutigineqarpoq ilisarinneqqinnissamut normumik, soorlu nuna tamakkerlugu Personal Locator Beacon (PLB) atorneqartillugu (allaqqitassiami § 5, imm. 1, nr. 3 takuuk) atuinermi akitsuummik nutaamik pilersitsisoqassasoq, Kalaallit Nunaanni akuerineqarani radiup frekvensiinik atuinissaq pillugu aamma radiulerinermi misilitsittarnerit pillugit nalunaarummi § 24 takuuk.

Nalunaarummut allaqqissiaq nalunaarutip nr. 2001-
ip, 9. december 2020-imeersup Kalaallit Nunaanni radiup frekvensiinik atuinermut atasumik akitsuutit pillugit allataasimasoq taarserneqassaaq.

Tusarniaanermut tunngatillugu apeqqutit
Tusarniaanermut tunngatillugu apeqqutissat uunga ingerlanneqarsinnaapput:

Matias Find, telefon +45 40 48 86 58, e-mail mfi@digst.dk