Uunga siunnersuut: Nioqqutissanik akitsuusikkanik Nuup Mittarfiani nammineq piumassutsimik akitsuusiisitsisarneq pillugu Namminersorlutik Oqartussat nalunaarutaat
Tusarniaanerup suunera:Namminersorlutik Oqartussat nalunaarutaat
Saqqummiunneqarpoq:16-06-2025 13:30
Tusarniaanermi killigititaq:14-07-2025 16:00
Naalakkersuisoqarfik:Aningaasaqarnermut Akileraartarnermullu Naalakkersuisoqarfik
Tusarniaanermi akissutit nassiunneqassapput::oed@nanoq.gl
Siunnersuut qulaani eqqaaneqartoq matumuuna tusarniutigalugu nassiunneqarpoq.
Nalunaarut nutaajuvoq. Tassani Nuummi mittarfimmi tupanik, imigassanik, viinninik immiaaqqanillu nammineq piumassutsimik akitsuusiisitsisarneq pillugu malittarisassat akuerineqartut atuutilersinneqarput.
Nalunaarummi nioqqutissat akitsuusikkat qanoq annertutigisut nammineq piumassutsimik akitsuusiititsinermi nassarneqarnersut apeqqutaatinnagu sullissinermi ataatsimi akiliut 100 kr.-nut aalajangerneqarpoq.
Oqaaseqaatit ullormi kingusinnerpaamik Aningaasaqarnermut Akileraartarnermullu Naalakkersuisoqarfimmeeriissapput: ataasinngorneq 14. juuli 2025
Nalunaarutinut oqaaseqaataajunnartut e-mailimut uunga nassiuteqquneqarput: oed@nanoq.gl, mws@nanoq.gl cc-lerlugu.