Uunga siunnersuummut missingiut: Aatsitassarsiorluni misissuinissamut akuersissutinut aningaasaqarnikkut nalunaarusianik kukkunersiuinermut atatillugu kukkunersiuisunut malittarisassiat.
Matumuuna ”Uunga siunnersuut: Guidelines for auditors regarding audit work connected with the audit of financial statements for exploration licences” tusarniaassutigineqarpoq.
Tunngaviusoq aamma siunertaa
Aatsitassarsiorluni misissuinermut atatillugu suliat ingerlasarnerisa assigiinngitsut oqinnerulersinnissaannut assigiissaarnerulernissaannullu suliniuteqarnermi ingerlasumi, Aatsitassanut Ikummatissanullu Aqutsisoqarfiup Aatsitassanut Naalakkersuisoqarfik peqatigalugu kukkunersiuisunut malittarisassat ullutsinnut naleqqunnerulersillugit nutarternissaannik siunertaqarput.
Tassunga atatillugu Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik amma Aatsitassanut Ikummatissanullu Aqutsisoqarfik kukkunersiuisunut malittarisassanut siunnersuummik nutaamik, oqaaseqarfigitikkusutaminnik, suliaqarput.
Ilanngunneqarput kukkunersiuisunut malittarisassat siunnersuutigineqartut nutaat aammalu maannakkut malittarisassat atuuttut.
Malugiuk, malittarisassani oqaatsit tuluttuujummata, kalaallisut imaluunniit danskisut allassimasunik pisariaqartitsigussi, saaffiginneqquneqarpusi uunga MLSA@nanoq.gl
Kukkunersiuisunut malittarisassat maannakkut atuuttut ullutsinnut naleqqukkunnaarsimapput, taamaattumik taakku nutarternissaat piffissanngorsimalluni. Tassunga atatillugu, malittarisassat taakkua akuerineqartussanngunnginneranni, Aatsitassanut oqartussat soqutiginnittut malittarisassanut nutaanut siunnersuutigineqartunut isumaat paaserusuppaat.
Allannguutit pingaarutillit
Malittarisassanut atuuttunut sanilliullugu siunnersuutini allannguutit pingaarnerpaat makkuupput:
• Malittarisassani nunani tamalaani malitassat malillugit pisussanngorlugit siunnersuutigineqarput, taakkualu ingerlatseqatigiiffiit amerlanersaasa ilisimareerpaat. Erseqqinnerusumik oqaatigalugu ISA 800 malitassat.
Killigititaq
Tusarniaanermut akissuteqaatit nassiuteqquneqarput uunga mlsa@nanoq.gl kingusinnerpaamik 28. februar 2025.
Inussiarnersumik inuulluaqqusillunga
Aatsitassanut Ikummatissanullu Aqutsisoqarfik