Kalaallit Nunaanni frekvensit pillugit suliassaqarfimmi nalunaarutinut missingiutit tusarniutigineqarnerat

Kalaallit Nunaanni frekvensit pillugit suliassaqarfimmi nalunaarutinut marlunnut missingiutit Digitalisering pillugu ministereqarfiup maannangaaq tusarniutigalugit nassiuppai. Kalaallit
Nunaanni Namminersorlutik Oqartussat sinnerlugit Nalunaarasuartaateqarnermi Aqutsisut, Radioforvaltningi, aamma Digitalisering pillugu ministereqarfik sinnerlugu suleqatigiinnerisigut nalunaarutissanut missingiutit suliarineqarput.

Nalunaarutissatut missingiutinut tusarniaanermut akissuteqartoqassappat, akissutit tele@kds.dk-imut assilillugu aamma j.nr. 1640-6059 innersuussutigalugu, kingusinnerpaamik ulloq 25. november 2024 Digitalisering pillugu ministereqarfik sinnerlugu tigoreersimassavai.

Tusarniaareernerup kingorna tusarniaanermut akissutit Høringsportal-imi tamanut saqqummiunneqarumaarput. Tusarniaanermut akissuteqarnermi tusarniaavigineqartup tusarniaanermut akissutip tamanut saqqummiunneqarnissaa akuersissutigissavaa, matumani nassiussisup atia, e-mailadressia aamma taamaattoqassappat tusarniaanermut akissummi attaveqarfigineqarnissaq pillugu paasissutissat allat ilanngullugit.

Taama tulleriillutik, Akuerineqarani radiup frekvensiinik atuinissaq pillugu aamma radiulerinermi misilitsittarnerit kalerrisaarutillu il.il. pillugit Kalaallit Nunaannut nalunaarut nr. 1999, 9. december 2020-immersoq aamma Kalaallit Nunaanni radiup frekvensiinik atuinermut atasumik akiliutissat pillugit nalunaarut nr. 2001, 9. december 2020-imeersoq, atorunnaarsinneqartussatut siunnersuutigineqartoq, nalunaarutissatut missingiutit taakku marluk taarsissagaat siunnersuutigineqarpoq.

Allannguutit pingaarutillit pillugit ataatsimut isiginninneq

• Akuerineqarani radiup frekvensiinik atuinissaq pillugu aamma radiulerinermi misilitsittarnerit kalerrisaarutillu il.il. pillugit nalunaarut

Nunami PLB-imut (Personal Locator Beacon-imut) imarsiornermi ajunaalernermi frekvensit atorneqarnissaannut periarfissaliissut

Kinaassusersiinermut normunik atulersitsinissamut aamma nunami PLB-imut frekvensit atorneqarnissaannut, nalunaarummi allannguutissatut siunnersuutigineqartut periarfissiissutigaat.

PLB tassaavoq ajunaalernermi radiukkut aallakaatitsissut tigummiartagaq, satellitti aqqutigalugu imarsiornermi ajunaalernermi frekvensinik atuisoq. Nunami assersuutigalugu angalaartunit aallaaniartunillu, sumiiffimmi oqarasuaatinut angallattakkanut attaveqanngitsumi, tamannami amerlanertigut illoqarfiit nunaqarfiillu avataanni pisarmat, ikioqqullutik aggeqqusinissamik pisariaqartitsilersunit, PLB-t atorneqarsinnaapput.

Allannguutissatut siunnersuutigineqartut, nalunaarummi §§ 24-imiit 26 ilanngullugu aamma ilanngussaq 4-imi imm. 26-imi takuneqarsinnaasut, nunami PLB-nut frekvensinik uku akornaniittunik tulliuttunik atuinissamik periarfissiipput: 406,0-406,1 MHz (COSPAS-SARSAT).

Nunami PLB-it akuersissuteqarani atorneqarnissaannut tekniskiusumik piumasaqaatit

Akuerineqarani radiup frekvensiinik atuinissaq pillugu aamma radiulerinermi misilitsittarnerit kalerrisaarutillu il.il. pillugit Kalaallit Nunaannut nalunaarummut ilanngussaq 4-imi
immikkoortumi nutaami 26-imi allaaserineqarput.

Nalunaarutissatut missingiut ulloq 1. januar 2025 atuutilissasoq aamma Akuerineqarani radiup frekvensiinik atuinissaq pillugu aamma radiulerinermi misilitsittarnerit kalerrisaarutillu il.il. pillugit Kalaallit Nunaannut nalunaarut massakkut atuuttoq taarsissagaa, siunnersuutigineqarpoq.

• Kalaallit Nunaanni radiup frekvensiinik atuinermut atasumik akiliutissat pillugit nalunaarut

PLB-t atorlugit imarsiornermi ajunaalernermi frekvensit atorneqarnerannut atatillugu kinaassusersiinermut normut atulersinneqarnerannut akiliutissat nutaat

Akuerineqarani radiup frekvensiinik atuinissaq pillugu aamma radiulerinermi misilitsittarnerit kalerrisaarutillu il.il. pillugit Kalaallit Nunaannut nalunaarummi § 24 malillugu, nunami PLB-t  atorneqarnerannut atatillugu kinaassusersiinermut normut (missingiummi § 5, imm. 1, nr. 3 takuuk) atulersinneqarnerannut akiliutissaq nutaaq eqqunneqassasoq siunnersuutigineqarpoq.

Allannguutissatut siunnersuutigineqartut qulaani taaneqartut eqqarsaatigalugit, Kalaallit Nunaanni radiup frekvensiinik atuinermut atasumik akiliutissat pillugit nalunaarutip nr. 2001-
ip, 9. december 2020-imeersup iluarsaanneqarnissaa pillugit naliliinermik suliaqartoqarsimanera tassunga pissutaavoq. Tamanna Kalaallit Nunaanni radiup frekvensiinik atuinermut atasumik akiliutissat pillugit nalunaarutissatut missingiutip nutaap suliarineqarneranik kinguneqarpoq.

Nalunaarutissatut missingiut ulloq 1. januar 2025 atuutilissasoq aamma Kalaallit Nunaanni radiup frekvensiinik atuinermut atasumik akiliutissat pillugit nalunaarut taarsissagaa, siunnersuutigineqarpoq.

Tusarniaaneq pillugu apeqqutit

Nalunaarutissatut missingiutit taakku marluk pillugit tusarniaaneq pillugu apeqqutit ukununnga nassiunneqarsinnaapput:

• Henrik Rosenkrantz, e-mail: hros@kds.dk