Siunnersuut una pillugu tusarniaaneq: Tapersiissutitalimmik inissialiortiternermut taarsigassarsititsisarneq pillugu Inatsisartut inatsisaata allanngortinnissaa pillugu Inatsisartut inatsisaat (Atuisarnerup erseqqissaaffiginera)
Uunga siunnersuut: Tapersiissutitalimmik inissialiortiternernut taarsigassarsititsineq pillugu Inatsisartut inatsisaasa allanngortinnissaa pillugu Inatsisartut inatsisaat (Atuisarnerup erseqqissaaffigineqarnera) tamanut tusarniutigineqarnera.
Siunnersuutip immikkoortui pingaarnerit
- Najugaqarfissatut atuisarneq: Inissiaq Inissianut tapiissuteqartarnermut taarsigassarsisarneq pillugu Inatsisartut inatsisaat naapertorlugu taarsigassarsiat atorlugit tunniunneqartut taamaallaat piginnittumit taassumalu inoqutigiivinit imaluunniit pisariaqarsimappat attartortumit atorneqarsinnaanera erseqqissarneqarpoq. Inissiamik piginnittoq imaluunniit attartortoqarsimappat taassuma inissiamiit inuussutissarsiummik namminersortumik mikinerusumik ingerlatsiuaannarsinnaassapput.
Siunnersuummut, tassani siunnertamut imarisanullu tunuliaqutaasut sukumiinerusumik paaserusunneqarpata siunnersuummut nassuiaatit ilanngullugit nassiunneqartut kiisalu Ineqarnermut aningaasalersueriaatsinik nalilersuineq, Immikkoortoq 2-miittut Naalakkersuisaut nittartagaanni nassaarineqarsinnaasut innersuussutigineqarput.
Oqaaseqaataasinnaasut Ineqarnermut Attaveqaasersuutinullu Naalakkersuisoqarfimmut kingusinnerpaamik ullormi septembarip 13-iani 2024 nal. 12 nassiuteqquneqarput. Oqaaseqaatit naalakkersuisoqarfiup pisortatigoortumik e-mailianut box909@nanoq.gl-imut imaluunniit uunga:
Ineqarnermut Attaveqaasersuutinullu Naalakkersuisoqarfik
Postboks 909
3900 Nuuk