Suluppaagarniarnermi usinik nuussisarnerup inerteqqutaanera pillugu nalunaarutip tusarniaassutigineqarnera

ICES-ip (International Council for the Exploration of the Sea) Irmingip Imartaani suluppaakkanik ikerinnaasiortunik pisaqartoqartannginnissaa ukiuni arlaqartuni innersuussutigisarsimavaa. 

Taamaakkaluartoq Ruslandermiut suli taakkunannga aalisartarput, arriitsumillu aalisagaqatigiit taakku ikiliartortillugit. 

Taamaammat NEAFC-mi (North East Atlantic Fisheries Commission) aalajangiunneqarsimavoq, usinik nuussisarneq umiarsualivinnilu allatigut kiffartuussisarneq inerteqqutaalissasoq, kiisalu imaani usinik nuussisarneq aamma orsersuisarneq imaluunniit angallatit nunagisamik erfalasuinik atuisut nunaqqatimik angallataannut pineqartunik pisaqarsimasunut ikiorsiissuteqarnerat inerteqqutaalissasoq.

Kalaallit Nunaat Savalimmiut peqatigalugu Grønland DFG-mi (Denmark in respect of the Faroe Islands and Greenland) sinniisuutitaqarpoq. DFG inerteqquteqalernissamut taaseqataasimavoq, taamaammallu Kalaallit Nunaanni inatsisitigut siunnersuummik atuutsitsilernissamut pisussaaffeqartoqarpoq. 

Taamatut nalunaarusiornikkut Kalaallit Nunaata pisussaaffini naammassivaa.