Quppernerup imarisaanut ingerlaqqigit
Oqaaseq toqqaruk

Kalaallisut ( Toqqarneqarpoq )

Qallunaatut

Aningaasaqarnermut Siunnersuisoqatigiit pillugit Namminersorlutik Oqartussat nalunaarutaat pillugu siunnersuummut tusarniaaneq

Tusarniaanerup suunera:Namminersorlutik Oqartussat nalunaarutaat
Saqqummiunneqarpoq:14-09-2023 15:00
Tusarniaanermi killigititaq:12-10-2023 00:00
Naalakkersuisoqarfik:Aningaasaqarnermut Naligiissitaanermullu Naalakkersuisoqarfik
Tusarniaanermi akissutit nassiunneqassapput::OEC@nanoq.gl med CC: til marf@nanoq.gl

Maanna Aningaasaqarnermut Siunnersuisoqatigiit pillugit Namminersorlutik Oqartussat nalunaarutaat pillugu siunnersuut nassiunneqarpoq. Allannguutissatut siunnersuutinut tunngaviusoq tassaavoq, aaqqissuussaanerup tungaani allannguutinut naapertuutsitsinissamik kissaateqarneq kiisalu Namminersorlutik Oqartussat kommuninut soqutigisaqartunullu allanut tunngatillugu initutinnginnerulernissaannik kissaateqarneq.

Naalakkersuisut siulittaasoqarfimmi ilaasortat saniatigut aamma kattuffiit il.il. innersuussineri tunngavigalugit ilaasortanik allanik toqqaasarput. Nalunaarummut allannguutissatut siunnersuutit ilaasortanik allanik innersuussisinnaasut taasisinnaanerisa amerlassussiinut kiisalu kukkunersiuinermi naqqiutinut tunngapput.

Allannguutissatut siunnersuutit kingorna Naalakkersuisut innersuussutit tunngavigalugit Aningaasaqarnermut Siunnersuisoqatigiit ilaasortai sinneri ima toqqartassavai:

  1. ilaasortat 2-t Aningaasaqarnermut Naalakkersuisumit inassutigineqartut,
  2. ilaasortat 3-t kommuninit ataatsimoorullugu inassutigineqartut,
  3. ilaasortaq 1 Ilisimatusarfimmit inassutigineqartoq,
  4. ilaasortaq 1 Pinngortitaleriffimmit inassutigineqartoq,
  5. ilaasortat 2-t Sulinermik Inuussutissarsiuteqartut Kattuffianit (SIK), Atorfillit Katuffianit (AK), Ilinniartitsisut Meeqqat Atuarfianneersut Kattuffianit (IMAK), Nunatsinni Perorsaasut Kattuffianit (NPK), Peqqinnissaq Pillugu Kattuffianit (PPK) aamma Ilinniagartuut Kattuffiannit (IK/ASG) ataatsimoorullugu inassutigineqartut,
  6. ilaasortat 2 Sulisitsisunit inassutigineqartoq,
  7. ilaasortaq 1 aningaaserivinnit Kalaallit Nunaanni angerlarsimaffeqartunit imaluunniit aalajangersimasumik ingerlatsiveqartunit inassutigineqartut, aamma
  8. ilaasortaq 1 aalisarnermut kattuffinnit ataatsimut inassutigineqartoq.

Sisamanngorneq 12. oktober 2023 tusarniaanermi akissuteqarnissamut killiliussaavoq.

Akissutit OEC@nanoq.gl-imut marf@nanoq.gl CC-rlugu nassiuteqquneqarput.

Inussiarnersumik inuulluaqqusillunga
Med venlig hilsen

Marie Færch (Finansdepartementet)
Toqq/direkte 34 54 08
marf@nanoq.gl

Tusarniaanermi atortussat