UNESCO-qarfiup annertussusiata iluani iluaqutissat annertusineqarnissaannut ajoqutissallu annikillisinneqarnissaannut periarfissat, Ilulissat Kangiani, tusarniaassutigalugu.
Nunalernermut, Imminut Pilersornermut, Nukissiutinut, Avatangiisinullu Naalakkersuisoqarfiup matumuuna nassiuppaa nassuiaat uunga tunngassuteqartoq, UNESCO-qarfiup annertussusiata iluani iluaqutissat annertusineqarnissaannut ajoqutissallu annikillisinneqarnissaannut periarfissat, Ilulissat Kangiani, tusarniaassutigalugu.
Naalakkersuisut UPA2022-mi nassuiaammik suliaqaqqullugit suliakkerneqarput Ilulissat Kangiani UNESCO-qarfiup annertussusiata iluani iluaqutissat aamma ajoqutissat annikillisinnissaanut periarfissaasinnaasut pillugit.
Nassuiaat Inatsisartunut UKA2023-mi agguaanneqassaaq.
Tusarniaaneq
Tusarniaanermi akissuteqaatitut tigoorarneqartut Naalakkersuisut tusarniaanermi nittartagaanut iliorarneqassapput.
Tusarniaanermi atortussat tassaavoq:
- UNESCO-qarfiup annertussusiata iluani iluaqutissat annertusineqarnissaannut ajoqutissallu annikillisinneqarnissaannut periarfissat, Ilulissat Kangiani, nassuiaat.
Qinnuigissavatsigit tusarniaanermut akissuteqaatit kingusinnerpaamik 7. septembari 2023, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut nassiuteqqullugit.
Tusarniaanermut akissuteqaatit naalakkersuisoqarfiup pisortatigoortumik e-mailadressianut nassuinneqassapput: pan@nanoq.gl