Ilinniartut ineqarfii pillugit Inatsisartut inatsisaata allanngortinnissaa pillugu Inatsisartut inatsisissaattut siunnersuutip tamanut tusarniutigineqarnera
Ilinniartut ineqarfii pillugit Inatsisartut inatsisaata allanngortinnissaa pillugu Inatsisartut inatsisissaattut siunnersuutip tusarniutigineqarnera (Ilinniartup toquneranut atasumik ilinniartut inaata attatiinnarallarnissaa, sungiusaammik suliffeqarallarnermut atatillugu imaluunniit ilinniariartornerneq peqqutigalugu peqannginnermi ilinniartunut inissiap atugassiissutiginissaanut pisussaaffiup erseqqissarnera kiisalu oqaatsitigut iluarsiinerit) nassuinneqarpoq.
Siunnersuummi pingaarnertut immikkoortut tassaapput:
- qaammatit 2-t sinnerlugit ilinniartut inaanni najugaqanngikkallarnermi Naalakker-suisunut atugassanngortinnissaanut pisussaaffiup erseqqissarnera,
- ilinniartup toqunerani ilinniartut inaanni najugaqaannarnissamut periarfissaqar-neq,
- ilinniartup ilinniarnerminik naammassisimanerani ilinniartut inaata atorunnaarsin-neqarnissaanut Naalakkersuisut pisinnaatitaaffiani saneqqussinissamut periar-fissaqarneq, ilinniartoq taamaalilluni soraarummeerluni naggataarnermi peqa-taasinnaalluni.
Siunnersuutip kalaallisoortaani oqaatsitigut tulluanngitsunik iluarsiineq.
Siunnersuummi sukumiinerusumik tunuliaqutaasumut, siunertaasumut imaritinneqartu-nullu tunngatillugu siunnersuummut nassuiaatit ilanngunneqartut innersuussutigineqar-put.
Inatsisissatut siunnersuut 1. januar 2024-mi atulersinneqassasoq siunnersuutigineqar-poq.
Oqaaseqaataajunnartut kingusinnerpaamik ulloq 28. juli. 2023-mi Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit tiguneqareersimassapput. Oqaaseqaatit Naalakkersuisoqarfiup pisortatigoortumik mail-adresseanut uunga nassiuteqquneqarput: ikin@nanoq.gl periarfissatut allatut Naalakkersuisoqarfiup pisortatigoortumik allakkatigut adresseanut: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Imaneq 1, Postbox 1029, 3900 Nuuk