700 MHz frekvensbånd-imut soqutiginninneq pillugu tusarniaaneq
Tusarniaanermi matumani Nalunaarasuartaateqarnermi Aqutsisunit frekvensbånd-imut tassunga frekvens-it pillugit akuersissutinik agguaassisoqannginnerani 700 MHz (694-790) frekvensbånd-imik soqutigisaqarnerup qulaajaaffigineqarnissaa siunertarineqarpoq. 700 MHz-frekvensbånd-i oqarasuaatinut angallattakkanut attavinnut immikkoortitaavoq Kalaallit Nunaanni radiukkut frekvens-inik isumalluutit tamarmiusunik atuinermut akornannilu pingaarnersiuinermullu aalajangersaaneq pillugu nalunaarut naapertorlugu. Nuussinermi tunngaviussaaq frekvensbånd-imik tunniussinermi ECC-mi aalajangikkami ECC/DEC/(15)01-imi uku malinneqassasut”Harmonised technical conditions for mobile/fixed communications networks (MFCN) in the band 694-790 MHz incluting a paired frequency arrangement (Frequency Division Duplex 2x30 MHz) and an optional unpaired frequency arrangement (Supplemental Downlink).
Nalunaarasuartaateqarnermi Aqutsisut tusarniaanikkut kissaatigaat frekvensbånd-imi frekvens-inik amigaateqartoqarnersoq qulaajassallugu. Frekvens-issaaleqineq pilersarpoq qinnuteqartut frekvens-init amerlaneruleraangata, kiisalu Nalunaarasuartaateqarnermi Aqutsisut qinnuteqaatit tamakkerlugit akuerisinnaanngikkaangatigit.
Akuersissutit misileraanernut inerisaanernullu ukiumut ataatsimut sivisussusilinnut tunniunneqassapput Akuersissuteqarfigineqarluni radiup frekvens-iinik atuineq pillugu Kalaallit Nunaannut nalunaarut nr. 72, 13. januar 2005-imeersoq § 4, imm. 2 malillugu sivikinnermik qinnuteqartoqanngikkuni.
Nalunaarasuartaateqarnermi Aqutsisut Inatsit radiukkut maligaasat pillugit Kalaallit Nunaannut inatsisip atulersinnissaa pillugu kunngip peqqussutaatigut nr. 38, 23. januar 2004-imeersukkut § 8, imm . 1, nr. 5 malillugu piumasaqaammik aalajangiipput, inuiaqatigiinni siammasinnerusumik pisariaqartitsineq naammassiniarlugu.
Frekvens-inik 700 MHz-inik tunineqarnissamut qinnuteqaatit Nalunaarasuartaateqarnermi Aqutsisut tigoreersimassavaat 15. februar 2022-mi. Qinnuteqaatit tamarmik qinnuteqarfiup qaangiutinnginnerani assigiimmik suliarineqassapput, nunalu tamakkerlugu 700 MHz-imik båndimik atuinissamut naammassinnittut qinnuteqartut amerlappata tamanna makitsinikkut akuersissummik tunniussisoqassaaq Inatsit radiukkut maligaasat pillugit Kalaallit Nunaannut inatsisip atulersinnissaa pillugu kunngip peqqussutaatigut nr. 38, 23. januar 2004-meersukkut § 4, imm . 1 malillugu.
Qinnuteqaatit uunga nassiunneqassapput radiumut immikkoortortaq rfv@nanoq.gl.
Tusarniaanermut uunga apeqqutissaqartoqarpat radiukkut tunngasunik inatsimmik atuuttumik pappiaqqanik tunniussisoqarnissaa kissaatigineqarpat Allaffimmi pisortaq Louise Restorf Jacobsen saaffigineqarsinnaavoq ugguuna loja@nanoq.gl imaluunniit 356909-mut sianerluni.