Matumuuna Pinngortitamut Avatangiisinullu Naalakkersuisoqarfiup nalunaarusiaq Nunatta Kujataani savaaqqat toqusarnerannik misissuineq, 2025, tamanut tusarniaassutigaa
Naalakkersuisut UKA2022-mi savaaqqat tammartarnerannut toqusarnerannullu peqqutaasinnaasunik misissueqquneqarput. Misissuinermi, najukkami ilisimasat tunngavigineqassapput kujataanilu nattorallit ikaliartornerisa allaaserineqarnerat kiisalu nattorallit pissusaasa allanngorsimasinnaanerat ilanngunneqassallutik. Nalunaarusiaq UKA2025-mi Inatsisartunut agguaanneqassaaq.
Tusarniaaneq
Tusarniaanermi akissutit Naalakkersuisut tusarniaanermut nittartagaannut ilineqassapput.
Tusarniaassutigineqartoq tassaavoq:
- Nalunaarusiaq Nunatta Kujataani savaaqqat toqusarnerannik misissuineq, 2025
Tusarniaanermi akissutit kingusinnerpaamik 9. oktobari 2025 Pinngortitamut Avatangiisinullu
Naalakkersuisoqarfimmut nassiunneqassapput.
Tusarniaanermi akissutit naalakkersuisoqarfiup pisortatigoortumik e-mailadresseanut: pan@nanoq.gl-imut nassiunneqassapput.