AtuartigukIslandip ministeriunera Kalaallit Nunaannut tikeraassaaq
Nassiussisuuvoq: Naalakkersuisut Siulittaasuata Naalakkersuisoqarfia
Islandip ministeriunera Katrín Jakobsdóttir sapaatip akunnerani uani pisortatigoortumik tikeraassaaq.
Ulluni 16. maajimit 18. maajimut Nuummiissaaq tassani ilaatigut Naalakkersuisut siulitaasuat Múte Bourup Egede ataatsimeeqatigissallugu.
Islandip ministeriunera tikeraarnermini Ilisimatusarfimmut pulaassaaq tassanilu ilinniartut arnallu aggersarneqarsimasut oqalliseqatigissallugit. Ataatsimiinnermi suiaassutsit naligiissitaanerlu sammineqassapput. Islandip ministeriunera Katrín Jakobsdóttir nammineq ilisaritilluni aallarniissaaq tamatumalu kingorna Aningaasaqarnermut Naligiissitaanermullu Naalakkersuisoq Naja Nathanielsenilu peqataasut oqalliseqatigissallugit.
Tamatuma saniatigut Islandimiut aallartitaasa Silap Pissusaanik Ilisimatusarfik, Nunatta Katersugaasivia Allagaateqarfialu pulaassavaat Inatsisartunullu pulaarnissaminnut aamma periarfissaqassallutik.
Naalakkersuisut marlunngornermi 17. maj nal. 13:30 Namminersorlutik Oqartussat tusagassiortunik katersortitsiviani tusagassiortunik katersuutitsinissamut qaaqqusipput.