AtuartigukMeeqqanut, Inuusuttunut Ilaqutariinnullu Naalakkersuisoqarfimmi pisortaq nutaaq
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Heidi Lindholm Meeqqanut, Inuusuttunut Ilaqutariinnullu Naalakkersuisoqarfiup pisortaatut atorfinitsinneqassasoq Naalakkersuisut aalajangerpaat. Heidi Lindholm aallaqqaammut Ilinniarfissuarmi ilinniartitsisutut ilinniarsimavoq, kingornalu cand.psych.-itut immikkut meeqqanut sianiutitigut tarnip pissusiinik ilisimasaqarfigilissallugu ilinniaqqippoq.
Heidi Lindholm Nuummi namminersorluni tarnip pissusiinik ilisimasalittut manna tikillugu sulivoq. Siusinnerusukkut ilaatigut inuusuttut eqqarsartaatsikkut nappaataanik ilinniarnermi aamma ilinniagaqartunik siunnersuinermi atorfiit suliffigisarpai. Taamatuttaaq peqatigiiffilerinermi suleqataasarsimavoq.
Heidi Lindholm 50-inik ukioqarpoq peroriartorfimminilu Nuummi najugaqarluni.
Meeqqanut, Inuusuttunut Ilaqutariinnullu Naalakkersuisoq Paneeraq Olsen tassunga atatillugu ima oqaaseqarpoq:
”Heidi Lindholm suliaminut atatillugu innuttaasut inuuniarnerminni atugaannik ajornartorsiutaannillu annertuumik inuttut ilisimasaqarpoq. Nunarput tamakkerlugu tarnip pissusiinik ilisimasalittut sivisuumik sulinermini, ilaatigut atugarliuutit aliasuutillu minnerunngitsumik meeqqanut inuusuttunullu sunniisarnerat annertuumik ilisimasaqarfigai, ilisimasallu taakku sulinissatsinni iluaqutaajumaarnerat qularinngilara. Tamanna tunngavigalugu Heidip suleqatiginissaa qilanaareqaara.”
Heidi Lindholm kingusinnerpaamik ulloq 1. maj 2022 atorfimmini sulilissasoq ilimagineqarpoq.
Attaveqarfissaq: Naalakkersuisup allattaa Inûna Davidsen Oqarasuaat: +299 34 64 95, Oqarasuaat: +299 25 78 54, E-mail: Inda@nanoq.gl
Heidi Lindholm Nuummi namminersorluni tarnip pissusiinik ilisimasalittut manna tikillugu sulivoq. Siusinnerusukkut ilaatigut inuusuttut eqqarsartaatsikkut nappaataanik ilinniarnermi aamma ilinniagaqartunik siunnersuinermi atorfiit suliffigisarpai. Taamatuttaaq peqatigiiffilerinermi suleqataasarsimavoq.
Heidi Lindholm 50-inik ukioqarpoq peroriartorfimminilu Nuummi najugaqarluni.
Meeqqanut, Inuusuttunut Ilaqutariinnullu Naalakkersuisoq Paneeraq Olsen tassunga atatillugu ima oqaaseqarpoq:
”Heidi Lindholm suliaminut atatillugu innuttaasut inuuniarnerminni atugaannik ajornartorsiutaannillu annertuumik inuttut ilisimasaqarpoq. Nunarput tamakkerlugu tarnip pissusiinik ilisimasalittut sivisuumik sulinermini, ilaatigut atugarliuutit aliasuutillu minnerunngitsumik meeqqanut inuusuttunullu sunniisarnerat annertuumik ilisimasaqarfigai, ilisimasallu taakku sulinissatsinni iluaqutaajumaarnerat qularinngilara. Tamanna tunngavigalugu Heidip suleqatiginissaa qilanaareqaara.”
Heidi Lindholm kingusinnerpaamik ulloq 1. maj 2022 atorfimmini sulilissasoq ilimagineqarpoq.
Attaveqarfissaq: Naalakkersuisup allattaa Inûna Davidsen Oqarasuaat: +299 34 64 95, Oqarasuaat: +299 25 78 54, E-mail: Inda@nanoq.gl