Cigaritsit kimmivikui pillugit nassuiaat

Matumuuna Ilisimatusarnermut Avatangiisinullu Naalakkersuisoqarfiup nassuiaat ”Cigaritsit kimmivikui pinngortitamit peerneqassapput” tamanut ammasumik tusarniaassutigalugu nassiuppaa.

Cigaritsit kimmivikui, nunaannarmut pinngortitamullu iginneqartartut avatangiisinut ajornartorsiortitsipput. Kimmivikut plastikkinik sanaajupput aammalu avatangiisinut ajoqusiisinnaasunik akoqarlutik.

Nassuiaammi cigaritsit kimmivikuisa avatangiisinut ajornartorsiortitsinerisa aallunneqarnissaa siunertarineqarpoq, aammalu suliassaqarfimmi suliniutissat pillugit politikkikkut oqallinnerup ingerlaqqinnissaanut tunngaviliisussaalluni. Aamma nassuiaat 2019-imi Inatsisartut Ukiakkut Ataatsimiinnerminni cigaritsit kimmivikui tamaangaannaq igitat ikilisinniarlugit suliniutinik sunik, tassungalu ilanngullugu cigaritsit kimmivikuisa utertittaganngortinneqarsinnaanerinik aallartitsisoqarsinnaanersoq pillugu Naalakkersuisut misissuinissaannut akuersinerisa malitsigaat.

Nassuiaammi sunniiniutissani immikkoortut arfineq marluk assigiinngitsut allaaserineqarput:

  • Paasititsiniaanerit
  • Eqqaasarnermi aaqqiissutit immikkut ittut
  • Utertitsinissamut akeqartitsineq utertitsisarnerlu
  • Tunisassiortut akisussaaffeqarnerinut aaqqissuussinerit aamma tupaliorfinnut piumasaqaatit
  • Avatangiisinut akitsuutit
  • Tamaangaannaq igitsinermut akiliisussanngortitsisarnerit
  • Silami nunaminertat pujortarfiunngitsut
Tusarniaanermi piffissarititaasoq:
Tusarniaanermi akissuteqaat kingusinnerpaamik 9. martsi 2021-mi nal. 12:00 Ilisimatusarnermut Avatangiisinullu Naalakkersuisoqarfimmut nassiuteqquneqarpoq. Tusarniaanermi akissuteqaat Naalakkersuisoqarfiup emailadressia pisortatigoortoq: pan@nanoq.gl aqqutigalugu nassiunneqassaaq.

Saqqummiunneqarfia:

26 januari 13:31:00

Tusarniaanermi piffissaliussaq:

09 martsi 12:00:00

Tusarniaanermi akissutit uunga nassiuteqquneqarput:

pan@nanoq.gl