Utoqqalinersiat allanngortinnissaannut siusinaartumillu pensionisiat allanngortinnissaannut tusarniaaneq

2021-mut Aningaasanut Inatsimmi oqaaseqaatit tunngavigalugit Utoqqalinersiaqarneq pillugu Inatsisartut inatsisaata aamma Siusinaartumik pensionisiat pillugit Inatsisartut inatsisaata allanngortinneqarnissaannut siunnersuusiortoqarpoq.

Tunuliaqutaa
Innuttaasut sivisuumik timikkut tarnikkulluunniit artukkiisumik sulinerminnit nungullarsimasut isiginiarneqarsinnaajuarnissaat naalakkersuinikkut kissaatigineqarpoq.

Innuttaasunut 65-inik ukioqalersimasunut ukiunilu sivikinnerpaamik 35-ini timikkut tarnikkulluunniit artukkiisumik sulisimanerminnit nungullarsimasunut utoqqalinersiaqalernissamik qinnuteqarsinnaalernermik siunnersuut manna periarfissiivoq.

Ilutigitillugu Utoqqalinersiaqarneq pillugu Inatsisartut inatsisaanni § 11, imm. 1-imi aamma Siusinaartumik pensionisiat pillugit Inatsisartut inatsisaanni § 18, imm. 1-imi allassimasuni ”akinik nalimmassaanermi nalunaarsuutit” aamma ”procenti aaqqiissutissaq” iluarsineqarput.

2021-mut Aningaasanut inatsisip akuerineqarnerata malitsigisaanit siunnersuut taamaallaat kingunerisassaanut iluarsiissutissanik imaqarpoq.

Nalinginnaasumik tusarniaanermut tunngatillugu
Siunnersuummut nassiunneqartumut oqaaseqaataasinnaasut Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmit kingusinnerpaamik ulloq 26. januar 2021 tiguneqarsimassapput.

Tusarniaanermut akissutit uunga nassiunneqassapput Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik e-mail atorlugu uunga iian@nanoq.gl, assingalu Uffe Jensenimut uunga ufje@nanoq.gl, imaluunniit allakkatigut uunga Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik, Postboks 260, 3900 Nuuk.

Malugiuk tusarniaaneq ullunik arfineq-marluinnarnik sivisussuseqarmat.

Sammisaq:

Inunnik isumaginninneq

Tusarniaanerup suunera:

Inatsisartut inatsisaat

Naalakkersuisoqarfik:

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik

Saqqummiunneqarfia:

19 januari 13:45:00

Tusarniaanermi piffissaliussaq:

26 januari 00:00:00

Tusarniaanermi akissutit uunga nassiuteqquneqarput:

iian@nanoq.gl, assingalu uunga ufje@nanoq.gl