Qeqertarsuatsiaat eqqaani Greenland Anorthosite Mining-ip anorthosit-isiorfissaanut ISN-mik ASNVVM-millu suliakkiutinik tusarniaaqqaarneq

Suliniutip killiffia anorthosite-isiorfissamut suliassap killiffia

Immikkoortua

Killiffia

Ulloq

ISN-mut aamma ASN-mut nassuiaatit imarisaannut suliakkiinermi najoqqutassat piareersaataasumik tusarniaassutigineqarnerat

Maannakkut ingerlanneqarpoq

18. auggusti 2021 – 21. septembari 2021

ASN-mut aamma ISN-mut nassuiaatit sapaatit akunnerini 8-ini tamanut ammasumik tusarniaassutigineqarnerat (piiaanissamut akuersissummik qinnuteqaat)

Utaqqisinneqarpoq


ASN-mut aamma ISN-mut nassuiaatinik nutarterineq

Utaqqisinneqarpoq

-

IBA

Utaqqisinneqarpoq

-

Piiaanissamut akuersissummik tunniussinissamut sinaakkusersuineq

Utaqqisinneqarpoq

-

Piiaanissamut aamma matusinissamut pilersaarutip akuersissuteqarfigineqarnera

Utaqqisinneqarpoq

-

Ingerlatassanut pilersaarutip siulliup akuersissuteqarfigineqarnera

Utaqqisinneqarpoq

-

Tusarniaanermut najoqqutassat:

Greenland Anorthosite Mining ApS Kalaallit Nunaata  kitaani aatsitassarsiorluni misissuinissamut akuersissummut 2019-162-mut pisinnaatitsissummik piginnittuuvoq. Tusarniaaqqaarneq ingerlatseqatigiiffiup Qeqertarsuatsiaat eqqaani anorthosite-inik qalluinissamik suliuniummik aallartitsinissamik pilersaaruteqarneranik nalunaarneruvoq.

 

 

       Nunap assinganit tigusaq: Greenland Anorthosite Mining ApS-imut aatsitassarsiorluni misissuinissamut akuersissut 2019-162 tungujortumik nalunaaqutsigaavoq

 

Tusarniaanermut najoqqutassat tassaapput allakkiat matuma kinguliani allattorsimasut kiisalu taakkununnga ilanngussat (kalaallisut, qallunaatut tuluttullu tamarmik allanneqarsimapput):

  1. Inuiaqatigiinni piujuartussamik iluaqutaasussamik sunniutissanik nalilersuinermut  nassuiaammut missingiutip tekniskiunngitsumik naalisarnera – GL
  2. Avatangiisinut sunniutaasussamik nalilersuinermut nassuiaammut missingiutip tekniskiunngitsumik naalisarnera - GL
  3. Inuiaqatigiinni piujuartussamik iluaqutaasussamik sunniutissanik nalilersuinermut nassuiaammut missingiutip tekniskiunngitsumik naalisarnera - DK
  4. Avatangiisinut sunniutaasussamik nalilersuinermut nassuiaammut missingiutip tekniskiunngitsumik naalisarnera – DK
  5. Inuiaqatigiinni piujuartussamik iluaqutaasussamik sunniutissanik nalilersuinermut nassuiaammut missingiutip tekniskiunngitsumik naalisarnera - ENG
  6. Avatangiisinut sunniutaasussamik nalilersuinermut nassuiaammut missingiutip tekniskiunngitsumik naalisarnera - ENG

Inuiaqatigiinni piujuartussamik iluaqutaasussamik sunniutissanik nalilersuinermi (ISN) aamma Avatangiisinut sunniutaasussamik nalilersuinermi (VSB) ilaatigut siunertaavoq, suliassamut siunnersuutigineqartumut akuersissummut aamma akuersissuteqarnermut piumasaqaatit aalajangersarnissaannut paasissutissanik pisariaqartunik tamaginnik oqartussanut tunniussinissaq , suliassap inuiaqatigiinni pissutsinut atuutereersunut sunniuteqarnissaanik nalilersuinissaq. Nalunaarsuineq pissaaq ingerlatseqatigiiffiup oqartussaqarfinnut ISN-mik ASN-imillu nalunaarusiornermigut. Sukumiinerusumik paasissutissat suleriaatsinik ISN-mik  ASN-millu qulaajaanermut tunngasumik atuarneqarsinnaavoq: Kalaallit Nunaanni aatsitassanik atuinermi ASN pillugu nassuiaatip (Avatangiisinut Sunniutinik Nalilersuinerit) suliarineranut najoqqutassat aamma Aatsitassarsiornermi suliat ingerlasarnerinut tunngatillugu aamma VSB-imut nalunaarusiamik suliaqartarneq pillugu ilitsersuut.

ISN-mik ASN-millu nalunaarsuutinut suliakkiutissanut missingiutit aatsitassanut inatsit naapertorlugu ulluni 35-ni sivisussusilimmik tusarniutaaqqaartussaapput. Tusarniaaqqaarnermi akissutigineqartut toqqammavigalugit, suliakkiutit inaarutaasumik imarisaat kiisalu ISN-mut ASN-mullu nassuiaatini missingiutit kingusinnerusukkut suliarineqartut ingerlatseqatigiiffiup aalajangersartarpai.

Tusarniaaqqaarnerup nalaani akissuteqaatit tiguneqartut ingerlatseqatigiiffiup tusarniaanermut itisiliilluni nalunaarusiami allaaserissavai, soorlu periuserineqartartoq tamanut tusarniaasitsinermi sapaatit akunnerini 8-ni sivisussuseqartumi. Taamaasilluni ingerlatseqatigiiffik marlunnik tusarniaanermi itisiliilluni nalunaarusianik suliaqassaaq ASN-ip ISN-illu ingerlanneqarneranni. Ataaseq tusarniaaqqaarnermut nalunaarusiaq aappaalu sapaatit akunnerini 8-ni tusarniaasitsinermut nalunaarusiaq. Tusarniaasitsinermut itisiliilluni nalunaarusiat imarisarpaat oqaaseqaatit pingaarutillit, taakkununngalu akissutit aammalu nalunaarutit akissutit sammisamut attuumassuteqarnersut aammalu siunnersuutit nalunaarusiami inaarutaasumik suliarineqartussani ASN-mut aamma ISN-mut qulaajaanermi.  

Tusarniaanermut killiliussaq: Ulloq 21. septembari 2021

Tusarniaanermut akissuteqaatit nassiunneqassapput Aatsitassanut Aqutsisoqarfimmut Postboks 930, 3900 Nuuk imaluunniit e-mail-ikkut uunga mlsa@nanoq.gl

Sammisaq:

Aatsitassat

Tusarniaanerup suunera:

Avatangiisinik nalilersuinerit

Naalakkersuisoqarfik:

Aatsitassanut Inatsisit Atuutsinneqarnerannut Naalakkersuisoqarfik

Saqqummiunneqarfia:

18 aggusti 00:00:00

Tusarniaanermi piffissaliussaq:

21 septembari 00:00:00

Tusarniaanermi akissutit uunga nassiuteqquneqarput:

mlsa@nanoq.gl