Nalunaaruteqartarneq pillugu nalunaarummik aaqqissuusseqqinnermik siunnersuut pillugu tusarniaaneq

Inuussutissarsiutigalugu aalisarneq aamma nunami tunisassiorfeqarneq pillugit tunisassiornikkut tunngasunik aningaasarsiornikkullu paasissutissanik nalunaaruteqartarneq pillugu Namminersorlutik Oqartussat nalunaarutaat nr. xx, xx. xxx xxxx-imeersoq pillugu missingiut.

Nalunaarummut pingaarnertut allannguutit marluupput, tassaasut nalunaartarneq pillugu piffissamut killiliunneqartumut allannguut, kiisalu nalunaariaatsip allannguutaa.

Piffissaq killigitinneqartoq juulip aallaqqaataaniit novembarip aallaqqaataanut allanngortinneqarpoq.

Tamatumani pissutaavoq misilittakkat tunngavigalugit angallatinik piginnittunit kukkunersiuisumik juulip aallaqqaataaniit nalunaarnermik suliaqarnissamut periarfissalimmik nassaarnissaq ajornakusoorsinnaasarmat. Amerlanertigut kukkunersiuisut ukiup aallartinnerani Akileraartarnermut Aqutsisoqarfimmut nalunaartarnernik suliaqartarput, taamaalillutik aningaasaqarnikkut nalunaarnernik piffissaatillugu suliaqarnissaq piffissaqarfigisarnagu.

Piffissap killigititap novembarip aallaqqaataanut kinguartinneratigut kukkunersiuinermut ikiorneqarnissamik pisariaqartumik pissarsinissamut nalunaartussaatitaasut piffissaqarluarnerusassapput.

Nalunaariaatsimut aqqut uannga http://www.businessingreenland.gl uunga pissaaq sullissivik.gl

Paasissutissanik sullissivik.gl aqqutigalugu nalunaartarnissamut modulimik nutaamik ineriartortitsisoqalernera tamatumani pissutaavoq. Ataatsimut isigalugu paasissutissat nalunaarutigineqartussat taamaaginnassapput, aaqqissuussamili nutaami isissutissaq (log in) atorneqassaaq, taamaalillunilu uppernarsarneqarluni inuk eqqortoq nalunaarnissamut periarfissinneqartuusoq. Aammattaaq moduli KANUAANA-p aalisarneq pillugu qarasaasiaqarfianut toqqaannartumik attaveqartuuvoq, taamaalillunilu paasissutissanik pisortat paasissutissiissutaannut naapertuutinngitsunik tunniussisoqarsinnaanani. Aaqqissuussami nutaamiittoq sullissivik.gl paasissutissanik pitsaanerusunik pilersitsiumaassasoq neriuutaavoq.

Nalunaarummik tunniussivissaq siunnersuutigineqartutuut ulloq novembarip aallaqqaataani pisussaanera peqqutigalugu tusarniaaneq sapaatip akunnerinik pingasunnik sivissusilerneqarpoq.

Sammisaq:

Aalisarneq

Tusarniaanerup suunera:

Nalunaarut

Naalakkersuisoqarfik:

Aalisarnermut Piniarnermullu Naalakkersuisoqarfik

Saqqummiunneqarfia:

09 septembari 13:31:00

Tusarniaanermi piffissaliussaq:

30 septembari 00:00:00

Tusarniaanermi akissutit uunga nassiuteqquneqarput:

thra@nanoq.gl