Utoqqaat illersuisuat pillugu Inatsisartut inatsisaata allanngortinnissaa pillugu Inatsisartut inatsisissaattut siunnersuummut tunngatillugu tusarniaaneq

Qinersinerup kingulliup kingornatigut suliassaqarfiusut agguataarneri nutaat, kiisalu Utoqqaat illersuisuata kiffaanngissuseqarnerata nukittorsarnissaa pillugu kissaateqarneq tunngavigalugit Utoqqaat illersuisuat pillugu Inatsisartut inatsisaata allanngortinnissaa pillugu Inatsisartut inatsisissaannut siunnersuusiortoqarpoq.

Siunnersuummiipput Utoqqaat illersuisuata allattoqarfianut tunngasutut allannguutit marluk.

Allannguut siulleq tassaavoq Utoqqaat illersuisuata nammineq allattoqarfittaarnissaa, taamaalillutik illersuisutut sullissisarfiit sinneri assigalugit Utoqqaat illersuisuata suliassai kiffaanngissuseqartumik isumagineqarsinnaassammata.

Tamatumunnga kingunerititatut Utoqqaat illersuisuat nammineq allattoqarfittaarnera pissutaalluni ulloq 1. apriili 2022 sioqqullugu Utoqqaat illersuisuata allattoqarfiata inissisimaffianik nalilersuisoqarnissaq pillugu Inatsisartut inatsisaani aalajangersagaq atorunnaarsinneqassaaq.

Oqaaseqaataasinnaasut Isumaginninnermut Sulisoqarnermullu Naalakkersuisoqarfimmut nassiutissapput, ugguuna: isn@nanoq.gl

Sammisaq:

Inunnik isumaginninneq

Tusarniaanerup suunera:

Inatsisartut inatsisaat

Naalakkersuisoqarfik:

Isumaginninnermut Sulisoqarnermullu Naalakkersuisoqarfik

Saqqummiunneqarfia:

08 juli 14:41:00

Tusarniaanermi piffissaliussaq:

22 juli 00:00:00

Tusarniaanermi akissutit uunga nassiuteqquneqarput:

isn@nanoq.gl