Aningaasanik malunnarunnaarsaaneq pillugu inatsisip aamma aningaasalersuisarnermik ingerlataqarneq pillugu inatsisip allanngortinneqarnissaannut inatsimmi § 1-ip Kalaallit Nunaannut atuutilersinneqarnissaanut peqqussut (Aningaasanik malunnarunnaarsaaneq pillugu malitassiap 5.-ip naammassineqarnera)

Matumuuna aningaasanik malunnarunnaarsaasarneq pillugu inatsisip aamma aningaasalersuisarnermik ingerlataqarneq pillugu inatsisip allanngortinneqarnissaannut inatsimmi § 1-ip Kalaallit Nunaanni atuutilersinneqarnissaanut peqqussummut (Aningaasanik malunnarunnaarsaasarneq pillugu malitassiap 5.-ip naammassineqarnera) siunnersuut tusarniaassutigalugu nassiunneqarpoq.

Tusarniaanermut akissuteqarfissaq ullormut 24. september 2021 killilerneqarpoq.

 

Tusarniaanermut akissutit OED@nanoq.gl, eleg@nanoq.gl cc-lugit nassiunneqarnissaat qinnutigineqarpoq.

 

Imarisaa:

Peqqussutikkut inatsit nr. 553, 7. maj 2019-imeersumi § 1, aningaasanik malunnarunnaarsaasarneq pillugu malitassiap nr. 5-ip malitsigisaatut aningaasanik malunnarunnaarsaasarnermik allannguutinik imaqartoq Kalaallit Nunaannut atortussanngortinneqassaaq.

 

Peqqussummut missingiutikkut aningaasanik peqquserluutinik malunnarunnaarsaasarneq pinerliiniarnernillu aningaasalersuisarneq pinaveersimatinniarlugit iliuuserisassat pillugit Inatsisartut inatsisaat, Kunngip peqqussutaatigut Kalaallit Nunaannut atortussanngortinneqareersoq nutarterneqassaaq.


Sammisaq:

Inuussutissarsiorneq

Tusarniaanerup suunera:

Nalunaarummut siunnersuut

Naalakkersuisoqarfik:

Aningaasaqarnermut, Inatsisit Atuutsinneranut Naligiisitaaanermullu Naalakkersuisoqarfik

Tusarniaanermi piffissaliussaq:

24 septembari 00:00:00

Tusarniaanermi akissutit uunga nassiuteqquneqarput:

OED@nanoq.gl, eleg@nanoq.gl