Uunga siunnersuutit: Imigassat aalakoornartortallit pillugit Inatsisartut inatsisaannik allannguineq

Imigassat aalakoornartortallit pillugit inatsimmik 2019-imi allannguisoqarmat inatsisip maannakkutut isikkoqarluni qanoq ingerlanneqarnera pillugu misilittagaqarfigineqalerpoq, aalajangersakkanilu ataasiakkaani allannguilaartoqartariaqartoq paasinarsivoq.

Siunnersuummi immikkoortut pingaarnerit
Imigassaq aalakoornartulik 4,10 tikillugit niuernermut, sassaalliinermullu akuersissut allangortinneqassaaq 5,09 ilanngullugit.

Ersarissaaneq imigassanik aalakoornartulunnik ullunut sulinngiffiusussaasunut (nalliuttunut) sassaalliinissimut ammasarfiisa erseqqissarneri. Taamatut naleqqussaaneq maanna inatsisinik atuuttunik allannguinngilaq.

Piginnaatitsissut, tassa Naalakkersuisut imigassanik aalakoornartortalinnik niuernermik sassaalliinermillu killilersuinissamik malittarisassiorsinnaanerat, matumanilu inuiaqatigiit innuttaasulluunniit ataasiakkaat nappaatinut tunillaassuutiasunut illersorniarlugit piffissami aalajangersimasumi inerteqquteqarallarsinnaaneq ilanngullugu eqqarsaatigalugu.

Pineqaatissiinernut tunngasunik aalajangersakkani periarfissiisoqarpoq imigassanik aalakoornartortalinnik unioqqutitsilluni niuernermit sassaalliinernillu arsaarinnissinnaanermik kiisalu akuersissummik pigisaqartoq ingerlatsisorluunniit imigassanik aalakoornartortalinnik nioqqutissiortoq imaluunniit tuniniaasoq unioqqutitsilluni tunissutisisippat il.li.

Imigassat aalakoornartortallit pillugit Inatsisartut inatsisaata allanngortinnissaa pillugu Inatsisartut inatsisaata atuutilernissaa siunnersuutigineqassaaq ulloq 1.juli 2022.

Oqaaseqaataasinnaasut kingusinnerpaamik ulloq 2. november 2021-mi Peqqissutsimut Naalakkersuisoqarfimmit tiguneqareersimassapput.

Oqaaseqaatit Naalakkersuisoqarfiup pisortatigoortumik mail-adresseanut uunga: pn@nanoq gl, kiisalu ajba@nanoq.gl nassiuteqquneqarput, periarfissatut allatut Naalakkersuisoqarfiup pisortatigoortumik allakkatigut adresseanut: Peqqissutsimut Naalakkersuisoqarfik 1A, Postboks 1160, 3900 Nuuk.

Sammisaq:

Peqqinnissaq

Tusarniaanerup suunera:

Inatsisartut inatsisaat

Naalakkersuisoqarfik:

Peqqissutsimut Naalakkersuisoqarfik

Saqqummiunneqarfia:

05 oktobari 16:11:00

Tusarniaanermi piffissaliussaq:

02 novembari 00:00:00

Tusarniaanermi akissutit uunga nassiuteqquneqarput:

pn@nanoq gl, kiisalu ajba@nanoq.gl