Nappaatit tunillaassortut akiorlugit iliuutsit pillugit Inatsisartut peqqussutaata allanngortinneqarneranik Inatsisartut inatsisissaattut siunnersuut (Inatsisip atorunnaarsinneqarnissaanut ullumik allannguut)

Siunnersuummik matuminnga saqqummiussinermi tunngaviusoq tassaavoq, Nappaatit tunillaassortut akiorniarlugit iliuutsit pillugit Inatsisartut kingusinnerusukkut allanngortinneqartup peqqussutaat atuutsinneqartoq ulloq 31. Decembari 2021-mi atorunnaarsinneqarnissaa.
2021-mi upernaakkut Inatsisartunut qinersisoqarnissaanik suaarutiginninneq peqqutaalluni Nappaatit tunillaassortut akiorniarlugit iliuutsit pillugit Inatsisartut peqqussutaata allanngortinneqarnera pillugu Inatsisartut Inatsisissaanut tunngatillugu suliaqarneq kinguartinneqarpoq, taamaalilluni Nappaatit tunillaassortut akiorniarlugit Inatsisartut inatsisissaat nutaaq 2021-mi ukiaanerani Inatsisartut ataatsimiinneranni saqqummiunneqarsinnaajunnaarluni.
Taamaammat Inatsisartut inatsisissaannik allannguinissamut siunnersuut nappaatit tunillaassortut akiorniarlugit Inatsisartut peqqussutaannik kingorna allannguuteqartinneqartumik ingerlatitseqqinneqartunik imaqarpoq, taamaalilluni nappaatit tunillaassortut akiorniarlugit iliuutsit pillugit Inatsisartut peqqussutaat tamarmi 31. decembari 2021-mi atorunnaarsinneqarnani 1. juuli 2022-mi atorunnaarsinneqassalluni.
Inatsisissatut siunnersuutip ulloq 15. Decembari 2021-mi atuutsinneqalissasoq siunnersuutigineqarpoq.
Oqaaseqaataasinnaasut kingusinnerpaamik 29. juuni 2021-mi Peqqissutsimut Naalakkersuisoqarfimmut nassiuteqquneqarput.
Oqaaseqaatit Naalakkersuisoqarfiup pisortatigoortumik mail-adresseanut uunga nassiuteqquneqarput: pn@nanoq.gl periarfissatut allatut Naalakkersuisoqarfiup pisortatigoortumik allakkatigut adresseanut nassiunneqarsinnaapput: Peqqissutsimut Naalakkersuisoqarfik, Imaneq 1A, Postbox 1160, 3900 Nuuk.

Sammisaq:

Peqqinnissaq

Tusarniaanerup suunera:

Inatsisartut inatsisaat

Naalakkersuisoqarfik:

Peqqissutsimut Naalakkersuisoqarfik

Saqqummiunneqarfia:

02 juni 08:00:00

Tusarniaanermi piffissaliussaq:

29 juni 00:00:00