Ingerlatseqatigiiffinnut inatsimmut peqqussutinut, suliffiit inuutissarsiuteqarfigisat aalajangersimasut pillugit inatsimmut, aamma inuutissarsiutinik ingerlatsisutut aningaasaateqarfiit pillugit inatsimmut allaqqaakkanut tusarniaassut

Matumuuna ingerlatseqatigiiffinnut inatsimmut peqqussutinut, suliffiit inuutissarsiuteqarfigisat aalajangersimasut pillugit inatsimmut, aamma inuutissarsiutinik ingerlatsisutut aningaasaateqarfiit pillugit inatsimmut allaqqaakkat tusarniaassutigalugit nassiunneqarput.

Kalaallit Nunaanni inuutissarsiorfinnut tunngatitamik inatsisaasunik annertunerusumik nutarsarnermut peqqussutit ilaapput, tassaniillutik ilaatigut peqqussutit arlallit nutarsarneri, Danmarkimi inuutissarsiorfinnut inatsisinik Kalaallit Nunaanni atuutsitsilersut, ilaatigullu aktiaatillit kinaassusersineri, paasissutissanik ingerlatitseqqittarneq aamma aktiaatilittut pisinnaatitaaffiinik suliaqarnerik oqilisaasussat pillugit Kalaallit Nunaannut inatsisissatut siunnersuutit. Aktiaatillit pisinnaatitaaffiinut tunngatillugu piviusunngortitsinissamut peqqussutitut taaneqartartup Kalaallit Nunaanni piviusunngortissinnaanissaa inatsisissatut siunnersuutip qularnaassavaa. Inatsisissatut siunnersuut piffissami 5. februar 2021-mit 5. marts 2021-p tungaanut tusarniaassutaasimavoq.

Ingerlatseqatigiiffinnut inatsimmut peqqussutip allaqqaarneraniipput ingerlatseqatigiiffiit aningaasaataannut tunngatillugu nutarsaanerit, aallartisaasartutut ingerlatseqatigiiffiit, aningaasaatinik piginnittut taarsigassarsisarneri, akissarsisitsisarnernut politikki, paasiuminarsaanerit, aamma qanigisatut illua’tungerisanut nioqqutigisanik akuersissuteqartarnerit, kukkunersiuisartumik toqqaasarlunilu atugaqarunnaartarnerit, suliffeqarfiit killilimmik akisussaaffillit (V.M.B.A.-t) A/S-inngortillugit allanngortittarneri, inunnut paasissutissanik illersuinerit, piginnittuiit, aamma nakkutilliisarnermut katersaatit.

Suliffiit inuutissarsiutinik ingerlataqartut aalajangersimasut pillugit inatsimmut peqqussutissatut allaqqaakkamiipput atugaqarfigisatut suliassaqarfimmut tunngatillugu nutarsaanerit, suliffeqarfiit suussusaat, piviusuinnik nalunaarsuinerit, aningaasalerisoqarfiusumi pinerluttoqartarneq, akileraarutinik akiliinngitsoorniarnermut pinaveersaarutitut suliarisat il.il., inunnut paasissutissanik illersuinerit, suiaassutsinut tunngasutut pisortaqarfinni inuttanik katiterisarnerit, kukkunersiuisartumik toqqaasarlunilu atugaqarunnaartarnerit, kukkunersiuisartumik taarsiinermut atatillugu annertusisamik nalunaaruteqartarnissamut pisussaaffigisaq, suliffeqarfiit siusinnerusukkut aningaasaleriffimmik ingerlataqarsimasut, suliffeqarfiit killilimmik akisussaaffillit (V.M.B.A.-t) A/S-inngortillugit allanngortittarneri, pinngitsuugassaanngitsutut digitaalikkut attaveqaqatigiinneq, aamma nakkutilliisarnermut katersaatit.

Inuutissarsiutinik ingerlatsisutut aningaasaateqarfiit pillugit inatsimmut peqqussutissatut allaqqaakkamiipput piginnittuiit pillugit nutarsaanerit, kukkunersiuisarnermut najoqqutassaq, aamma inunnut paasissutissanik illersuinerit.

Peqqussutit 2021-mi Ukiami ataatsimiinnermi aalajangiiffigisassatut siunnersuutinngorlugit Naalakkersuisut saqqummiutissamaarpaat.

Tusarniaanermut killiliussaq tassaavoq 29.07.2021

Tusarniaanermut akissutit ukununnga nassiuteqquneqarput: jhes@nanoq.gl aamma rahs@nanoq.gl. Apeqqutaasinnaasut ukununnga saaffiginnissutaasinnaapput: Jens Hesseldahl, jhes@nanoq.gl imlt. oq. +299 34 56 98 aamma Rasmus Holm Schümann, rahs@nanoq.gl imlt. oq. +299 34 69 08.

Ilanngussanut allattuiffik:

Ilanngussaq 1: Ingerlatseqatigiiffinnut inatsimmut peqqussutissamut allaqqaagaq (Qallunaatut)

Ilanngussaq 2: Ingerlatseqatigiiffinnut inatsimmut peqqussutissamut allaqqaagaq (Kalaallisut)

Ilanngussaq 3: Ingerlatseqatigiiffinnut inatsimmut peqqussutissamut uteqqiineq (Qallunaatut)

Ilanngussaq 4: Ingerlatseqatigiiffinnut inatsimmut peqqussutissamut uteqqiineq (Kalaallisut)

Ilanngussaq 5: Suliffiit inuutissarsiutinik ingerlatallit aalajangersimasut pillugit inatsimmut peqqussutissamut allaqqaagaq (Qallunaatut)

Ilanngussaq 6: Suliffiit inuutissarsiutinik ingerlatallit aalajangersimasut pillugit inatsimmut peqqussutissamut allaqqaagaq (Kalaallisut)

Ilanngussaq 7: Suliffiit inuutissarsiutinik ingerlatallit aalajangersimasut pillugit inatsimmut peqqussutissamut uteqqiineq (Qallunaatut)

Ilanngussaq 8: Suliffiit inuutissarsiutinik ingerlatallit aalajangersimasut pillugit inatsimmut peqqussutissamut uteqqiineq (Kalaallisut)

Ilanngussaq 9: Aningaasaateqarfiit inuutissarsiutinik ingerlatallit pillugit inatsimmut peqqussutissamut allaqqaagaq (Qallunaatut)

Ilanngussaq 10: Aningaasaateqarfiit inuutissarsiutinik ingerlatallit pillugit inatsimmut peqqussutissamut allaqqaagaq (Kalaallisut)

Ilanngussaq 11: Aningaasaateqarfiit inuutissarsiutinik ingerlatallit pillugit inatsimmut peqqussutissamut uteqqiineq (Qallunaatut)

Ilanngussaq 12: Aningaasaateqarfiit inuutissarsiutinik ingerlatallit pillugit inatsimmut peqqussutissamut uteqqiineq (Kalaallisut)

Ilanngussaq 13: Tusarniaaffigisanut allattuiffik

Sammisaq:

Inuussutissarsiorneq

Tusarniaanerup suunera:

Nalunaarut

Naalakkersuisoqarfik:

Nunanut Allanut, Inuussutissarsiornermut, Niuernermut, Silallu Pissusiinut Tunngassutilinnut Naalakkersuisoqarfik

Saqqummiunneqarfia:

01 juli 00:00:00

Tusarniaanermi piffissaliussaq:

29 juli 00:00:00

Tusarniaanermi akissutit uunga nassiuteqquneqarput:

jhes@nanoq.gl, rahs@nanoq.gl