Takornariartitsinermik inuussutissarsiornerup iluani nalunaaqutsersuineq naatsorsueqqissaarnerlu pillugit Inatsisartut inatsisaat nr. xx, xx. xxx 2020-imeersoq, tusarniaassutigineqarpoq

Inatsisartut inatsisaannut siunnersuut 2020-imi upernaakkut ataatsimiinneranni (UPA 2020) saqqummiunneqassasoq naatsorsuutigineqarpoq.

Siunnersuummi ilaatinneqartut pingaarnerit
Siunnersuummi pisortat takornariartitsinermik siuarsaaneranni suliniuteqarneq nutaamik nukittunerusumillu aaqqissuussaalissaaq, Kalaallit Nunaanni takornariartitsinerup ungasissumut ineriartortinneqarneranik nukittorsaasinnaasumik.

Siunnersuummi immikkoortuni pingaarnerni assigiissaartunngortitsineq aamma takornarianut tunisassianik aammalu takornariartitsinernut suliffeqarfinnik nalunaaqutsersuineq sammillugu, Kalaallit Nunaanni pitsaassutsinut nalunaaqutsersuummik siuarsaaniarluni ingerlatassat tunngavissinneqarput, tassungalu siunnersuinermik piginnaanngorsaanermillu siunnersuut ilaqartinneqarpoq. Tamatuma saniatigut naatsorsueqqissaarnermik siunertamut takornariartitsinermut suliassaqarfimmi paasissutissanik nalunaarsukkanik katersinissamut, inatsimmi tunngavissamik siunnersuut imaqarpoq.

Atuutilerfia
Inatsisissatut siunnersuut ulloq 1. juli 2020 atuutilissasoq naatsorsuutigineqarpoq.

Tusarniaanermut killiliussaq
Inatsisissatut siunnersuummut tusarniaanermut akissuteqaat Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmut isiin@nanoq.gl kingusinnerpaamik ulloq 21. februar 2020 nassiuteqquneqarpoq.

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik

Saqqummiunneqarfia:

24 januari 13:37:00

Tusarniaanermi piffissaliussaq:

21 februari 00:00:00

Tusarniaanermi akissutit uunga nassiuteqquneqarput:

isiin@nanoq.gl