Kommunit Namminersorlutillu Oqartussat naatsorsuutaat pillugit Namminersorlutik Oqartussat nalunaarutaannut nr. xx, xx.xxx 2020-meersumut siunnersuut pillugu tusarniaaneq

Siunnersuutip imarisaa:
Namminersorlutik Oqartussat naatsorsuutinik ingerlatsiviat il.il. pillugit Namminersornerullutik Oqartussat nalunaarutaat nr. 8, 27. februar 1995-meersup kommuninut Namminersorlutillu Oqartussanut atuuttussamik nutaamik ataatsimoorussamik nalunaarummik ataatsimut missingersuutit pillugit inatsimmik toqqammaveqartumik taarserneqarnissaa siunnersuutigineqarpoq: Kommunit Namminersorlutillu Oqartussat missingersuutaat naatsorsuutaallu pillugit Inatsisartut inatsisaat nr. 26, 28. november 2016-meersoq.

Kommunit Namminersorlutillu oqartussat akornanni ataqatigiissaarinerup annertusarnissaanik kiisalu pisortat ingerlatsivianni aningaasanik aqutsinerup nukittorsarnissaannik pisariaqartitsinerit tunuliaqutaapput.

Naatsorsuuserinermi malittarisassat ataatsimoortunngortinneqarlutillu nutarterneqarput, taamaaliornermilu allanneqarneri nutarterneqarlutillu erseqqissarneqarput taamattaarlu aamma atortunut tunngasut.

Allanneqarnerisa allanngortinnerini erseqqissaanernilu malittarisassat pitsaanerulersinneqarnissat, taamaalillunilu taakku kommunini Namminersorlutillu Oqartussani isumaginnittuni paasiuminarsarnissaat siunertaavoq.

Nalunaarummi aalajangersakkat kommunini Namminersorlutillu Oqartussani atuuttussanngorlugit ilusilersugaapput. Taamaassinnaanngiffiini immikkut aalajangersagaliortoqarpoq.

Atortussiani allannguinerni aalajangersakkanik nutaanik ivertitsisoqarlunilu piiaasoiqarpoq. Tassani kommunini sanaartornermut iluarsartuussisarnermullu aningaasaateqarfinni immikkut maleruagassanik ilanngussineq.

Naatsorsuutitigut nalunaarsuinerit qanoq ingerlanneqartarnissaat kiisalu iseritat aningaasartuutillu piffissani nalunaarsortarnissaat pillugit maleruagassat erseqqissarneqarnerat nalunaarutip pingaarnertut imarai. Ukiumoortumik nalunaarutip imarisaanut naatsorsuutillu akuerineqartarnerannut piumasaqaatit itisilerlugit nassuiarneqarput. Tamatuma saniatigut piffissani naatsorsuutit siunissami atorneqartarnissaannut periarfissiisoqarpoq.

Tusarniaanerup suunera:

Nalunaarut

Saqqummiunneqarfia:

22 januari 09:49:00

Tusarniaanermi piffissaliussaq:

27 februari 00:00:00

Tusarniaanermi akissutit uunga nassiuteqquneqarput:

oed@nanoq.gl assilineralu apos@nanoq.gl