Kalaallit qimmiinik qimuttunik qimmiuteqarneq illersuinerlu pillugit Inatsisartut inatsisissaattut siunnersuutip tusarniutigineqarnera

Siunnersuut 2020-mi upernaakkut ataatsimiinnermi Inatsisartunit suliarineqartussanngorlugu saqqummiunneqassaaq.

 

Ilanngussat uku tusarniutigineqarput:

 

  • Uunga siunnersuut: Kalaallit qimmiinik qimuttunik qimmiuteqarneq illersuinerlu pillugit Inatsisartut inatsisaat

  • Kalaallit qimmiinik qimuttunik qimmiuteqarneq illersuinerlu pillugit Inatsisartut inatsisissaattut siunnersuummut oqaaseqaatit

 

Siunnersuutigineqarpoq Kalaallit Nunaanni kalaallit qimmiinik qimuttunik qimmiuteqarneq illersuinerlu pillugit inatsimmik nutaamik atuutilersitsisoqassasoq. Siunnersuummi qimmit qimuttut qanoq qimminit allaanerusunit akuneqaratik illersorneqarsinnaasumillu atugassaqartinnissaannut malittarisassiornissaq siunertaralugu allannguutinik arlalinnik atuutilersitsisoqarpoq.

 

Siunnersuummut oqaaseqaatit Aalisarnermut, Piniarnermut Nunalerinermullu Naalakkersuisoqarfiup kingusinnerpaamik tigoreersimassavai:

 

Ataasinngorneq ulloq 3.februari 2020, nal. 17:00

 

 

Qinnuivigineqarpusi siunnersuummut oqaaseqaataasinnaasut e-mailikkut uunga APNN@nanoq.gl nassiuteqqullugit.

 

Malugisiuk tusarniaanermi akissutit word-inngorlugit pdf-fil-inngorlutillug nassiunneqassasut.

Tusarniaanerup suunera:

Inatsisartut inatsisaat

Naalakkersuisoqarfik:

Aalisarnermut Piniarnermut Nunalerinermullu Naalakkersuisoqarfik

Saqqummiunneqarfia:

07 januari 00:00:00

Tusarniaanermi piffissaliussaq:

03 februari 00:00:00

Tusarniaanermi akissutit uunga nassiuteqquneqarput:

APNN@nanoq.g