Aningaasanoorutit ilaannit aningaasanik agguaassisarneq pillugu tapeeriaatsit, tapiiffigineqarnissamut piumasaqaatit il.il. pillugit Namminersorlutik Oqartussat nr. xx, xx. xxx 2020-meersoq nalunaarutissatut siunnersuutip tusarniaassutigineqarnera

Siunnersuummik matuminnga saqqummiussinermi soorlu ullumikkut suliniutinut tapiissuteqarnissamut periarfissatulli tipsernermit lottonermillu aningaasanik pulje c-meersunik ingerlatsinernut tapiissutinut politikikkut suliniutinik pingaarnersiuisinnaanerit assinganik periarfissiisoqarnissaanik kissaateqartoqarnera tunngaviuvoq.

Siunnersuummi siunissami suliniuteqarfinnut politikikkut pingaarnersiukkanut ingerlatsinernut ukiumut 500.000 kr.-it angullugit tapiissuteqartoqarsinnaaneranut periarfissiisoqarnissaa anguniakkani pingaarnersaavoq.

Suliniutinut tapiissutitulli suliniuteqarfiit soorlu sukkulluunniit politikerinit pingaarnersiorneqartut sorliit tamanut saqqummiunneqarnissaannik piumasaqaateqartoqassanersoq siunnersuutigineqarpoq.

Nalunaarutip 1. maj 2020-mi atuuttussanngortinneqarnissaa siunnersuutigineqarpoq.

Oqaaseqaatigineqarsinnaasut Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmi kingusinnerpaamik ataasinngornermi 20. april 2020-mi tiguneqareersimassasut qinnutigineqarpoq.

Oqaaseqaatit Naalakkersuisoqarfiup pisortatigoortumik mail-adresseanut uunga nassiuteqquneqarput: ikin@nanoq.gl imaluunniit Naalakkersuisoqarfiup pisortatigoortumik najugaqarfianut:
Ilinniartitaanermut, Kultureqarnermut, Ilageeqarnermullu Naalakkersuisoqarfik, Postbox 1029, 3900 Nuuk.

Sammisaq:

Kulturi

Tusarniaanerup suunera:

Nalunaarut

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Tusarniaanermi piffissaliussaq:

20 apriili 00:00:00

Tusarniaanermi akissutit uunga nassiuteqquneqarput:

ikin@nanoq.gl