Nioqqutissat ilisarnaataannut inatsisip aamma inatsisit allat assigiinngitsut allanngortinneqarnerat pillugu

Nioqqutissat ilisarnaataannut inatsisip aamma inatsisit allat assigiinngitsut allanngortinneqarnerat pillugu inatsisip, kiisalu Eqqartuussisarneq pillugu inatsisip, Bruxelles I-mut inatsisip aammalu inatsisit allat assigiinngitsut allanngortinneqarnerat pillugu inatsisip Kalaallit Nunaannut atuutsinneqalernissaat pillugu peqqussutit Namminersorlutik Oqartussanit akuerineqarnissaat pillugu Inatsisartut aalajangiiffigisassaattut siunnersuut

Peqqussutinut missingiutini tiguneqartuni Kalaallit Nunaanni maleruagassat, suliassaqarfimmi danskit maleruagassaannik atuuttunik nutarterneqassapput. Peqqussutinut missingiutini tiguneqartuni siunertaavoq, Kalaallit Nunaanni inuussutissarsiummik ingerlataqartut nioqqutissiaminnut nutaanut illersuinerminni aammalu pisinnaatitaaffimminnik tigussaanngitsunik, Danmarkimi inuussutissarsiummik ingerlataqartutut aammalu allatut inuiaassuseqartutut ajornanngitsigisumik, illersorneqarnissamut periarfissaqarnissaat. Tamanna politikkimik tigussaanngitsunut pisinnaatitaaffinnut suliassaqarfimmi Naalakkersuisut atuutsitsilernissamik kissaateqarnerannut ilaatillugu pivoq, tassani Kalaallit Nunaanni pisinnaatitaaffinnik tigussaanngitsunik illersuineq, Kalaallit Nunaanni inuussutissarsiornerup ineriartortinneqarneranut qitiulluinnartumik pingaaruteqarluni.

Aammattaaq aalajangiiffigisassatut siunnersuutip matuma saqqummiunneqarnera, Kalaallit Nunaanni inuussutissarsiummik ingerlataqartut sukkasuumik sunniuteqarluartumillu isumannaatsuutinneqarnissaannik Naalakkersuisut kissaateqarnerattut, isigineqassaaq. Taamaalilluni aallaaviusumi atoruminartumi nioqqutissiat nutaat illersugaanerannik il.il. nalunaarsuisoqarsinnaalissaaq. Aammattaaq Kalaallit Nunaanni inuussutissarsiummik ingerlataqartut nioqqutissiat nutaat illersugaanerannut uppernarsaatiminnik nalunaarsuinermut atatillugu sipaaruteqarnerannik allannguutit malitseqartussaapput. Tassunga tunngatillugu tamatuma saniatigut Kalaallit Nunaata teknologiikkut ineriartornermut naleqqussarnissaa aalajangiisuulluinnartumik pingaaruteqarpoq. Taamaalilluni peqqussutinut missingiutini tiguneqartuni, assersuutigalugu nioqqutissap ilisarnaataanik nalunaarsuinermi nioqqutissap ilisarnaataata titartaganngorlugu issuarneqarnissaata piumasaqaataannginnera, kisiannili teknologii pissarsiarineqarsinnaasoq naleqquttoq taamaallaat atorneqassasoq, inatsimmi tunngavissiisoqarpoq. Aammattaaq peqqussutinut missingiutit tiguneqartut aalajangersakkanik, ataatsimut isigalugu digitalimik attaveqaqatigiinnissamut tunngavissiisunik, imaqarput.

Naalakkersuisoqarfik:

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik

Saqqummiunneqarfia:

09 januari 13:41:00

Tusarniaanermi piffissaliussaq:

10 februari 00:00:00

Tusarniaanermi akissutit uunga nassiuteqquneqarput:

isiin@nanoq.gl eller jafe@nanoq.gl