Sakkutuujusussaaneq pillugu inatsisip allanngorneratigut inatsisit aalajangersimasut atuutilernissaat pillugu kunngip peqqussutaatigut atuutilersitsinissamut missingiut pillugu tusarniaaneq

Matumuuna ” Sakkutuujusussaaneq pillugu inatsisip allanngorneratigut inatsisit aalajangersimasut atuutilernissaat pillugu kunngip peqqussutaatigut atuutilersitsinissamut missingiut pillugu tusarniaaneq” missingiut pillugu tusarniaaneq, upernaakkut 2020 Inatsisartut ataatsimiinneranni suliarineqarnissaa siunertaralugu nassiunneqarpoq.   

 

Kalaallit Nunaannut tunngasumi sakkutuujusussaatitaanermut inatsimmi nr. 213 majip 30-ani 1980-imeersumi kingullermillu inatsimmi allanngortinneqartoq nr. 1391 decemberip 21-ani 2005-eersumi arlalitsigut inatsimmi allannguisoqartarpoq Kalaallit Nunaannut atuutinngitsumik Kalaallit Nunaannullu peequssusiorsinnaanngitsunik. 

 

Kunngip peqqussutissaatut siunnersuut sakkutuujusussaatitaanermi inatsisip Kalaallit Nunaannut atuuttup iluani allannguinissanik marlunnut attuumassuteqarpoq, inatsimmillu allannguinngikkaluarluni ingerlaannartumik atuutilersinneqarsinnaalluni. Allannguutit marluk sakkutuujusussaatitaanermi inatsimmi nr. 1054 decemberip 23-ani 1992-meersumi § 72, aammalu inatsit nr. 1538 decemberip 18-anni 2018-meersut marluullutik peqqussuteqartoqarnissaa pisariaqartippaat.

 

 

Allannguutit

Upalungaarsimanermut inatsit nr. 1054 decemberip 23-ani 1992-meersumi § 72, sakkutuujusussaatitaanermut tunngasoq, tassani taamaallaat allannguutaalluni inuit illersorneqarnissaanit annaassiniarnermi upalungaarsimasunut aqqata allanngornera.

 

Inatsit 1538 decemberip 18-ani 2018-eesoq sakkutuujusussaatitaanermi inatsimmi allannguinermit malittaassasoq januarip aallaqqaataa 2010 sioqqullugu sakkutuujusussaatitaanermik ingerlatsisimasut taassumalu kingorna sakkutuujusussaatitaanermut inatsisip malittarisassai malillugit kinguartitsisimasunut sakkutuujusussaatitaanermit atorunnaarsitsisinnaammata.





Sakkutuujusussaatitaanermi inatsisip periarfissaqartippaa suliunnaarallarsimasut sakkutuujusussaatitaanertik killilimmik kinguartikkallarsinnaagaat. Aammattaaq sakkutuujusussaatitaasut sakkutuujusussaatitaanerminnit illuartinneqarsinnaapput tamanna imminut qanigisalluunnit inuulluarnissaannut aalajangiisunik peqquteqartoqarsimasoq naammaginartumik uppernarsarsinnaagunikku.

 

 

Tusarniaanermut akissutit uunga nassiunneqassapput

 

Nunanut Allanut Naalakkersuisoqarfiup ataatsimut mailianut NAP@nanoq.gl assilinerilu uunga nassiullugit Nanna Nivi Pedersen (nanp@nanoq.gl) kingusinnerpaamik februarip 26-ni 2020.

 

Naalakkersuisoqarfik:

Nunanut Allanut Naalakkersuisoqarfik

Saqqummiunneqarfia:

11 februari 00:00:00

Tusarniaanermi piffissaliussaq:

26 februari 15:19:00

Tusarniaanermi akissutit uunga nassiuteqquneqarput:

nap@nanoq.gl