Sanaartugassaq ’Uummannami pujortuleeqqanut talittarfiup allineqarnissaa’ pillugu ASN-imut nassuiaatip tamanut ammasumik tusarniaassutigineqarnissaa.

Nassuiaat
Suliassami Uummannami umiarsualiveqarfimmi pujortuleeqqanut talittarfiup allineqarnissaa kiisalu sanaartorfissanut nutaanut, soorlu containerinik ilioraavissanik imaluunniit aalisarnermut umiarsualivimmilu suliassanut atatillugu inissaqartitsiniarluni qaarsumik qaartiterinissaq pineqarpoq. Royal Arctic Line-p illoqarfiup pilersorneqarneranut atatillugu pisariaqartitsinera naammassiniarlugu, kiisalu Uummannami aalisakkeriveqarneq tapersiiffiginiarlugu pujortuleeqqanut talittarfik allineqassaaq.
Innuttaasunik akuutitsineq Ineqarnermut Attaveqaqatigiinnermullu Naalakkersuisoqarfiup atortut ilaasa avatangiisinut sunniutaannik nalilersuineq aamma avatangiisinik nakkutilliinermut akiliutit pillugit Namminersorlutik Oqartussat nalunaarutaat nr. 5, 27. marts 2013-meersoq naapertorlugu tamanut ammasumik tusarniaanermi innuttaasut akuutinniarpai. COVID-19 peqqutigalugu innuttaasunik akuutitsineq Facebook aqqutigalugu ingerlanneqassaaq, tassuunalu ASN-imut nassuiaat videokkut ilisaritinneqassaaq. Video maajip ulluisa 20-anni Facebook-ikkut qupperneq "Uummannami allagarsiivik. Opslagstavlen uummannaq.” aamma Avannaata Kommuniata nittartagaa
aqqutigalugiit saqqummiunneqassaaq.

Tusarniaaneq
Kikkulluunniit suliamut soqutigisaqarsinnaasut tusarniaanermi akissuteqaateqaqqullugit kajumissaarneqassapput. Tusarniaaneq tamanut ammasumik ingerlanneqassaaq, aammalu ullormit tamanut ammasumik saqqummiussiviusumiit sapaatit akunnerini arfineq pingasuni ingerlanneqassalluni. Tusarniaanermi akissuteqaatit tiguneqartut Naalakkersuisut tusarniaanernut iserfissiaannut ikkunneqassapput.

Tusarniaanermi najoqqutassat tassaapput:
  • Uummannami pujortuleeqqanut talittarfiup allineqarnissaa. Avatangiisinut Sunniutissanik Naliliineq (ASN).
Tusarniaanermi killigititaasoq: Pingasunngorneq 10. juni 2020 nal: 16:00.

Tusarniaanermi akissuteqaatit uunga nassiunneqassapput:
Pinngortitamut Avatangiisinullu Naalakkersuisoqarfik
Postboks 1614
3900 Nuuk

Imaluunniit e-mail aqqutigalugu: pan@nanoq.gl

Sammisaq:

Avatangiisit

Tusarniaanerup suunera:

Avatangiisinik nalilersuinerit

Naalakkersuisoqarfik:

Ilisimatusarnermut Avatangiisinullu Naalakkersuisoqarfik

Saqqummiunneqarfia:

15 apriili 16:11:00

Tusarniaanermi piffissaliussaq:

10 juni 16:00:00

Tusarniaanermi akissutit uunga nassiuteqquneqarput:

pan@nanoq.gl