Pituffiup eqqaani titanium-isiorfissamut VSB-mut aamma VVM-mut nassuiaatit tusarniaassutigineqarnerat

Titantium-isiorfissamut suliassap killiffia

Immikkoortua

Killiffia

Ulloq

VSB-mut aamma VVM-mut nassuiaatit imarisaannut suliakkiinermi najoqqutassat piareersaataasumik tusarniaassutigineqarnerat

Ingerlanneqareerpoq (una tooruk)

12. april 2017 - 19. maj 2017

VVM-mut aamma VSB-mut nassuiaatit sapaatit akunnerini 8-ini tamanut ammasumik tusarniaassutigineqarnerat (piiaanissamut akuersissummik qinnuteqaat)

Ingerlavoq

24. juni 2020 – 2. September 2020 –coronap nunarsuarmi tuniluunnera pissutigalugu sivitsorneqartoq

VVM-mut aamma VSB-mut nassuiaatinik nutarterineq

Ingerlavoq


IBA

Ingerlavoq

14. december 2020

Piiaanissamut akuersissummik tunniussineq

Ingerlavoq

14. december 2020

Piiaanissamut aamma matusinissamut pilersaarutip akuersissuteqarfigineqarnera

Ingerlavoq

16. juuni 2021

Ingerlatassanut pilersaarutip siulliup akuersissuteqarfigineqarnera

Utaqqisinneqarpoq

-



Tusarniaanermut najoqqutassat:

Dundas Titanium A/S Kalaallit Nunaata avannaani aatsitassarsiorluni misissuinissamut akuersissummut 2015/08-mut pisinnaatitsissummik pigisaqartuuvoq. Dundas Titanium-ip Moriusap eqqaani ilmenit-inik piiaanissamut akuersissummik qinnuteqaammik nassiussisimaneranik, tusarniaanerup aallartinneqarnera Naalakkersuisut pisortatigoortumik akuersaarneraat,

 


Nunap assinganit tigusaq: Dundas Titanium A/S-imut aatsitassarsiorluni misissuinissamut akuersissut 2015/08 tungujortumik nalunaaqutsigaavoq

Tusarniaanermut najoqqutassat tassaapput allakkiat matuma kinguliani allattorsimasut kiisalu taakkununnga ilanngussat:

  1. VSB-mut nassuiaammut missingiutip tekniskiunngitsumik naalisarnera – GL
  2. VVM-mut nassuiaammut missingiutip tekniskiunngitsumik naalisarnera - GL
  3. VSB-mut nassuiaammut missingiutip tekniskiunngitsumik naalisarnera - DK
  4. VVM-mut nassuiaammut missingiutip tekniskiunngitsumik naalisarnera – DK
  5. VSB-mut nassuiaammut missingiutip tekniskiunngitsumik naalisarnera - ENG
  6. VVM-mut nassuiaammut missingiutip tekniskiunngitsumik naalisarnera - ENG
  7. Inuiaqatigiinni piujuartitsisussamik iluaqutaasumik sunniutaasussanik nalilersuinermut   nassuiaammut missingiut (VSB) -GL
  8. Avatangiisinut sunniutaasussanik nalilersuinermut nassuiaammut missingiut (VVM) -GL
  9. Inuiaqatigiinni piujuartitsisussamik iluaqutaasumik sunniutaasussanik nalilersuinermut nassuiaammut missingiut (VSB) – DK

10.  Avatangiisinut sunniutaasussanik nalilersuinermut nassuiaammut missingiut (VVM) - DK

11.  Inuiaqatigiinni piujuartitsisussamik iluaqutaasumik sunniutaasussanik nalilersuinermut nassuiaammut missingiut (VSB) – ENG

12.  Avatangiisinut sunniutaasussanik nalilersuinermut nassuiaammut missingiut (VVM) - ENG

Inuiaqatigiinni piujuartussamik iluaqutaasumik sunniutaasussanik nalilersuinermut (VSB) ilaatigut siunertaavoq, suliassamut siunnersuutigineqartumut akuersissummut aamma akuersissuteqarnermut piumasaqaatit aalajangersarnissaannut paasissutissanik pisariaqartunik tamaginnik oqartussanut tunniussinissaq siunertaralugu, suliassap inuiaqatigiinni pissutsinut atuutereersunut sunniuteqarnissaanik nalilersuinissaq. VSB-mut siunertaasoq alla tassaavoq, Namminersorlutik Oqartussat, Avannaata Kommuniata aamma Dundas Titanium akornanni Impact Benefit Agreement (IBA) isumaqatiginninniutigineqarnissaanut taassuma tunngavissaliinissaa. Dundas Titanium-ip aammattaaq VSB-mut nassuiaammut missingiutip matuma siuliani taaneqartup suliarineqarneranut tunngaviusut nalunaarusiat tamanut saqqummersippai – una tooruk.

Avatangiisinut sunniutaasussanik nalilersuinermut (VVM) ilaatigut siunertaavoq, Ilmenit-isiorfissap avatangiisinut, pinngortitamut aamma silap pissusaanut sunniutissaasa (avatangiisinut sunniutaasussat) naatsorsuutigineqartut aammalu avatangiisinut sunniinerit killilersimaarnissaannut pitsaaliuinermut suliniutissat suut (iliuusissat) atornissaat ingerlatseqatigiiffiup pilersaarutiginerai, nassuiarnissaat, kiisalu suliassamut pilersaarutigineqartumut akuersissummut aamma akuersissuteqarnermut piumasaqaatit aalajangersarnissaannut paasissutissanik pisariaqartunik tamaginnik oqartussanut sunniussinissaq.
Dundas Titanium VVM-mut nassuiaammut missingiutip siuliani taaneqartup suliarineqarneranut tunngaviusut nalunaarusiat tamanut saqqummersippai – una tooruk.

Naalakkersuisut.gl-imi tusarniaanermut najoqqutassat tamanut saqqummersinneqarnerat isumaqanngilaq Naalakkersuisut tusarniaanermut najoqqutassat inaarutaasumik akuerisimagai. Taamatut akuersissuteqarnissaq aatsaat IBA-p atsiorneqarnerani aammalu piiaanissamut akuersissummik tunniussinermi pisussaavoq. Taamaalilluni tusarniaanermut najoqqutassat Dundas Titanium-ip suliassaminnik piviusunngortitsinermi avatangiisinut inuiaqatigiinnullu sunniutaasussanut  nassuiaatigai.

Tusarniaalluni ataatsimiititsinerit:

Piffissap tusarniaaffiusup ingerlanerani aatsitassanut ikummatissanullu inatsit naapertorlugu illoqarfinni nunaqarfinnilu immikkut kalluarneqartussani tusarniaalluni ataatsimiititsinerit aaqqissuunneqartussaapput. Taamaattumik illoqarfinni nunaqarfinnilu matuma kinguliani allassimasuni tusarniaalluni ataatsimiititsinerit aaqqissuunneqassapput, taakkunani innuttaasut suliassamut nalinginnaasumik, pingaartumillu tusarniaanermut najoqqutassanut, apeqquteqarnissamut periarfissaqassallutik.

  • Ilulissat
  • Qaanaaq
  • Savissivik

Tusarniaalluni ataatsimiititsinerit peqqissutsikkut illersorneqarsinnaasumik ingerlanneqarsinnaasut peqqissutsimut oqartussat naliliippata, tusarniaalluni ataatsimiititsinerit aatsaat ingerlanneqassapput. Ataatsimiititsinerit ullui Dundas Titanium-ip kiisalu Avannaata Kommuniata oqaloqatigereerneranni Naalakkersuisunit aalajangerneqassapput aammalu ilaatigut Naalakkersuisut.gl-imi nalunaarutigineqassallutik. Ataatsimiititsinerni ilaatigut Dundas Titanium-imit, Avannaata Kommuniani Borgmesteri, Palle Jerimiassen, aamma Naalakkersuisut matuma kinguliani allassimasut, najuutissapput.

Inuussutissarsiornermut Aatsitassanullu Naalakkersuisoq - Jens Frederik Nielsen

Suliffeqarnermut, Ilisimatusarnermut Avatangiisinullu Naalakkersuisoq – Jess Svane  

Corona-p nappaassuup malitsigisaanik Kalaallit Nunaannut aamma Kalaallit Nunaannit angalanissap killilersorneqarnera pissutigalugu Dundas Titanium-imit aallartitat kiisalu siunnersortit Kalaallit Nunaata avataani najugaqartut nalunaarasuartaatitigut tusarniaalluni ataatsimiititsinerni peqataassapput. Tusarniaalluni ataatsimiititsinerit ingerlanneqarnissaannut pilersaarutit, Kalaallit Nunaanni Coronavirusip siammaannerata allanngornerata malitsigisaanik, allanngortinneqassappata, tamanna ilaatigut raatiukkut tamanut nalunaarutigineqassaaq.

Corona-qarnera patsisaalluni aalajangiunneqarpoq, innuttaasunik tusarniaatsisoqassanngitsoq, taarsiulluguli Qaanaami, Savissivimmi kiisalu Ilulissani soqutigisaqaqatigiinnut ataatsimiititsisoqassasoq. Soqutigisaqaqatigiit makku illoqarfinnit nunaqarfinniillu attuumassuteqartunit ataatsimeeqataaqqullugit qaaqquneqarput: Qaanaami Sumiiffimmi Ataatsimiititaliaq, Qaanaami Aalisartut Piniartullu Peqatigiiffiat, Qaanaami Sulisitsisuni ilaasortat, Qaanaami SIK-p immikkoortortaqarfiani ilaasortat, Qaanaami Majoriami sulisut, Savissivimmi Nunaqarfimmut Aqutsisut, Savissivimmi Aalisartut Piniartuulu Peqatigiiffiat, Ilulissani SIK-mut ilaasortat, Ilulissani Sulisitsisunut ilaasortat, Avannaata Kommunalbestyrelianilu ilaasortat toqqakkat. Qaanaami Aalisartut Piniartullu Peqatigiiffiat ataatsimeeqatigineqanngitsoorpoq, piniartut piniariakaasimammata. Aalisartut piniartullu oqaaseqarneri Sumiiffimmi Ataatsimiititaliamit, SIK-p ilaasoortaanit, Majoriamilu Qaanaamiittumi sulisuinit ingerlateqqinneqarput. Avannaata Kommunia kingorna allagarsivoq, tassani piniartut piiaaffimmut kalaaliminernik pilersuinissaminnut atatillugu oqaloqatiginninnissaminnik kissaateqarlutik oqaaseqarlutik.

Soqutigisaqartunik ataatsimiititsinernit saqqummiussat

  1. Ulloq 28. juli 2020 Qaanaami najukkami ataatsimiititaliaq ataatsimeeqatigalugu soqutigisaqartunik ataatsimiititsinermit imaqarniliaq
  2. Ulloq 28. juli 2020 GE, SIK aamma Qaanaami Majoriaq ataatsimeeqatigalugit soqutigisaqartunik ataatsimiititsinermit imaqarniliaq
  3. Ulloq 29. juli 2020 Ilulissani GE aamma SIK ataatsimeeqatigalugit soqutigisaqartunik ataatsimiititsinermit imaqarniliaq.
  4. Ulloq 30. juli Ilulissani Avannaata Kommuniani kommunalbestyrelsi ataatsimeeqatigalugu soqutigisaqartunik ataatsimiititsinermit imaqarniliaq
  5. Ulloq 12. august 2020 Savissivimmi nunaqarfimmi aqutsisut ataatsimeeqatigalugit soqutigisaqartunik ataatsimiititsinermit imaqarniliaq

Soqutigisaqartunik ataatsimiititsinernit saqqummiussat

  1. Ilmenite-mik suliniummik Dundas Titanium-ip saqqummiinera.
  2. NIRAS-ip saqqummiinera suliap Inuiaqatigiinni piujuartussamik iluaqutaasumik sunniutaasussanik nalilersuinermut tunngatillugu.
  3. Orbicon/WSP-iip saqqummiinera suliap Avatangiisinut sunniutaasussanik nalilersuinermut tunngatillugu.
  4. Aatsitassanut Naalakkersuisoqarfiup saqqummiinera suliap Inuiaqatigiinni piujuartussamik iluaqutaasumik sunniutaasussanik nalilersuinermut tunngatillugu.
  5. DCE-mit VVM-imut tunngasut oqaaseqarfigineqarput
  6. Aatsitassanik Suliassaqarfinnut Avatangiisinut Aqutsisoqarfiup saqqummiinera suliap Avatangiisinut sunniutaasussanik nalilersuinermut tunngatillugu.

Tusarniaanermut killiliussaq: Ulloq 2. september 2020 nal. 16.00.

Tusarniaanermut akissuteqaatit nassiunneqassapput Aatsitassanut Aqutsisoqarfimmut postboks 930, 3900 Nuuk imaluunniit mlsa@nanoq.gl

Tusarniaanerup nalaani VVM-imut aamma VSB-mut tusarniaanermut akissuteqaatit tiguneqartut ingerlatseqatigiiffiup tusarniaanermut nalunaarusiami allaaserissavai.
Tusarniaanermut oqaaseqaatit tusarniaanermut nalunaarusiami ingerlatseqatigiiffimmit aamma aatsitassanut oqartussanit tusarniaanermut akissuteqaatinik akissuteqarfigineqassapput. VVM-mut tusarniaanermut oqaaseqaatinut tunngatillugu Avatangiisinut Aqutsisoqarfik aamma ilisimatuussutsikkut siunnersortit taakkununnga tusarniaanermut akissuteqaateqassapput.
Tusarniaanermut oqaaseqaatit aamma tusarniaanermut akissuteqaatit tiguneqareernerisa kingorna ingerlatseqatigiiffiup VVM-mut aamma VSB-mut nassuiaatit iluarsaatissavai.
VVM-mut aamma VSB-mut nassuiaatit iluarsineqartut aamma tusarniaanermut nalunaarusiat akueriniarnerlugit, Naalakkersuisut isummerfigissavaat.

Sammisaq:

Aatsitassat

Tusarniaanerup suunera:

Avatangiisinik nalilersuinerit

Saqqummiunneqarfia:

24 juni 14:00:00

Tusarniaanermi piffissaliussaq:

02 septembari 16:00:00

Tusarniaanermi akissutit uunga nassiuteqquneqarput:

mlsa@nanoq.gl