Ilisimatusarfimmi ilinniarnermut ileqqorissaarnermullu malittarisassat pillugit Namminersorlutik Oqartussat nalunaarutissaattut siunnersuutip tusarniaassutigineqarnera

Ilisimatusarfimmi ilinniarnermut ileqqorissaarnermullu malittarisassat pillugit Namminersorlutik Oqartussat nalunaarutissaattut siunnersuutip tusarniaassutigineqarnera ilanngullugu nassiunneqarpoq.

Siunnersuutip saqqummiunneqarneranut tunngavigineqarpoq, Ilisimatusarfik pillugu Inatsisartut inatsisaat nr. 12, 12. juni 2019-imeersup akuersissutigineqarnera, taanna atuutilerpoq ulloq 1. august 2019.

Inatsimmi § 14-imi, imm. 3-mi aalajangersarneqarpoq, Naalakkersuisut ilinniarnermut ileqqorissaarnermullu malittarisassanik aalajangersaassapput, tamatumunnga ilanngullugit pinngitsoorani takkuttussaaneq aamma ilinniartunut ilinniarnermi ileqqorissarnissamilu malittarisassanik maleruaanngitsunut pineqaatissiisarnissat pillugit malittarisassat.

Siunnersuut ilinniarnermut ileqqorissaarnermullu malittarisassat pillugit aalajangersakkanik kiisalu tusarniaanermik, tamanit pissarsiarisassanngortitsinermik aamma ilisimatitsinermik, imaanik, perorsaanikkut avoqqaarinninnermik, pineqaatissiinernik, naammagittaalliutinik kiisalu atuutsitsilernermik imaqarpoq.

Nalunaarutip 1. november 2020-mi atuuttussanngortinneqarnissaa siunnersuutigineqarpoq.

Siunnersuut Ilisimatusarfimmut tusarniaassutigineqarsimavoq, oqaaseqaataasalu annertunersaat ilanngunneqarnikuupput. Aammattaaq siunnersuummi inatsisitigut oqaaseqaatit ilanngunneqarput.

Oqaaseqaatigineqarsinnaasut Ilinniartitaanermut, Kultureqarnermut, Ilageeqarnermullu Naalakkersuisoqarfimmi kingusinnerpaamik ulloq 28. august 2020 tiguneqareersimassasut qinnutigineqarpoq.

Oqaaseqaatit Naalakkersuisoqarfiup pisortatigoortumik mail-adresseanut uunga nassiuteqquneqarput: ikin@nanoq.gl imaluunniit Naalakkersuisoqarfiup pisortatigoortumik najugaqarfianut: Ilinniartitaanermut, Kultureqarnermut, Ilageeqarnermullu Naalakkersuisoqarfik, Postboks 1029, 3900 Nuuk.

Sammisaq:

Ilinniartitaaneq

Tusarniaanerup suunera:

Nalunaarut

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

10 juli 00:00:00

Tusarniaanermi piffissaliussaq:

28 aggusti 00:00:00

Tusarniaanermi akissutit uunga nassiuteqquneqarput:

ikin@nanoq.gl